Endi 13 jasqa deıingi balalardyń WhatsApp akkaýnttary ata-anasynyń baqylaýynda bolady
ASTANA. KAZINFORM — WhatsApp 13 jasqa deıingi balalar úshin shekteýli fýnktsıonaldy arnaıy akkaýnttardy iske qosady, dep habarlaıdy DW.
WhatsApp endi 13 jasqa deıingi balalarǵa arnalǵan arnaıy shekteýli akkaýnttardy usynady. Osy akkaýnttar arqyly balalar tek habarlama jiberip, qońyraý shala alady. Profıldi baptaǵannan keıin ony ata-ana nemese qamqorshy baqylaıdy: kim habarlasa alady, bala qandaı toptarǵa kire alady — buny sol kisi sheshedi. Sonymen qatar ata-analar belgisiz kontaktilerden kelgen habarlama suranystaryn kóre alady jáne konfıdentsıaldyq baptaýlardy basqara alady.
Esterińizge sala ketsek, Aýstralııa alǵashqylardyń biri bolyp balalar men jasóspirimder úshin áleýmettik jelilerdi paıdalanýyna tyıym saldy. Bul olardyń psıhıkalyq densaýlyǵyna alańdaýshylyq týǵyzǵan edi. Keıbir elderde uqsas sharalardy engizý týraly talqylaýlar júrip jatyr.
Qaýiptiń taǵy bir sebebi — messendjerlerde hakerlerdiń shabýyldary, onda paıdalanýshylardan qaýipsizdik kodtary men PIN-kodtardy ashý suralǵan. Bul alaıaqtarǵa jeke akkaýnttar men toptyq chattarǵa kirýge múmkindik bergen.
Osy jańa júıe arqyly WhatsApp balalardyń qaýipsizdigin arttyryp, olardyń onlaın áreketterin ata-ana nemese qamqorshy baqylaýyna beredi.
Buǵan deıin álemdegi eń tanymal habar almasý qosymshalarynyń biri WhatsApp qoldanbasy paıdalanýshylarǵa «Toptyq habarlamalar tarıhy» dep atalatyn jańa múmkindikti usyndy.
Al Qazaqstannyń Bas prokýratýrasy WhatsApp messendjerine qatysty jańa kıberqater týraly eskertti.