Entsıklopedııa shyǵarý úlken mádenıettiń belgisi - professor T. Kákishev
ALMATY. 12 jeltoqsan. QazAqparat /Erlik Erjanuly/ - Qazaq jazýshylarynyń ishinen eń birinshi bop qazaqty álemge tanytqan Muhtar Áýezov boldy.
Fılologııa ǵylymynyń doktory, professor Tursynbek Kákishev búgin Almatyda "Muhtar Áýezov" entsıklopedııasynyń tanystyrylymynda osylaı aıtty.
"Rýhanı baılyqty tanytýdan artyq eshqandaı qubylys bolmaıdy. Muhań qazaq ádebıetin álem ádebıetine qosyp ketti. El bolǵan soń, jurt bolǵan soń aldymen ózimizdi-ózimiz tanyp baryp ózgege tanytýymyz kerek. Muqańa baılanysty shyndyqty da anyq, ashyq aıtýymyz qajet. Muqańnyń joly óte qıyn boldy", - deıdi T. Kákishev. Ǵalymnyń aıtýynsha, Muhań Alash ta boldy, kommýnıst te boldy, tipti ómiriniń sońǵy kezderinde orysshyl bop, orys realızmniń qazaq ádebıetin órkendetýdegi rólin kóterdi. Onyń bári ýaqyttyń taby. Biz onyń bárin arshyp, jarqyratyp kórsetýimiz kerek. Tarıhı shyndyq aşy. Ol eń aldymen ózimiz úshin kerek.
