Eńbekti qorǵaý salasynda eleýli ózgerister bolady dep kútilýde - G. Ábdihalyqova
ASTANA. 7 maýsym. QazAqparat /Aıdar Ospanalıev/ - Osy ýaqytta Parlament Májilisinde qaralyp jatqan Eńbek kodeksine engizilgen túzetýlerge ózgerister engizýge qatysty zań jobasy kúshine enetin bolsa, eńbekti qorǵaý salasynda eleýli ózgerister bolady dep kútilýde.
Bul týraly búgin Eńbek jáne halyqty áleýmettik qorǵaý mınıstri Gúlshara Ábdihalyqova Astanada «Eńbek zańnamasyn jetildirý» atty taqyrypta ótken dóńgelek ústel otyrysynda málim etti.
Onyń sózine qaraǵanda, osy ýaqytta halyq qalaýlylarynyń qaraýynda jatqan qujat eńbek qaýipsizdigi jáne eńbekti qorǵaý salasy boıynsha jumys berýshi men qyzmetkerlerdiń ókilderinen turatyn eńbekti qorǵaý jónindegi birlesken komıssııalar qurýdy qarastyrady. Sondaı-aq qujatta jazataıym oqıǵalardy tergep-tekserý men óndiristik jaraqattar boıynsha esep júrgizý merzimin anyqtaý máselesi qarastyrylǵan. Buǵan qosa zań jobasy zııandy eńbek jaǵdaıynda isteıtin qyzmetkerlerge qysqartylǵan jumys ýaqytynyń, qosymsha jyl saıynǵy eńbek demalysynyń uzaqtyǵyn jáne jalaqynyń arttyrylǵan mólsherin ózgertý tártibin reglamentteıdi.
Otyrys barysynda zań jobasyna engizilgen osy tektes ózgerister jóninde baıandaǵan G.Ábihalyqova Májilis depýtattaryna rızashylyǵyn bildire kele, «zań jobasyn qaraý kezeńinde sizderdiń eskertýlerińiz ben usynystaryńyzdyń kómegi zor boldy. Osylaısha, zańnamada «jalǵyzilikti ana» degen uǵym bekitildi, bul Eńbek kodeksiniń tıisti erejelerin birkelki qoldanýǵa múmkindik beredi. Buǵan qosa, Kodekstiń zańsyz ereýilder ótkizýge baılanysty máselelerin retteıtin erejeleri de jetildirildi. Qashyqtyqtan jumys isteý kezinde eńbekti retteý erekshelikteri engiziletin boldy. Bul, halyqty jumyspen qamtý máselesine oń yqpal etetini sózsiz»,-dep atap kórsetti mınıstr.
