Eńbekti qorǵaý men eńbek qaýipsizdigin baqylaý máselesimen aınalysatyn ınspektorlar sany jetkiliksiz - Eńbek jáne halyqty áleýmettik qorǵaý vıtse-mınıstri
ASTANA. 22 jeltoqsan. QazAqparat /Aıdar Ospanalıev/ - Eńbek jáne halyqty áleýmettik qorǵaý mınıstrliginiń eńbekti qorǵaý men eńbek qaýipsizdigin baqylaý máselesimen aınalysatyn ınspektorlarynyń sany jetkiliksiz.
Bul týraly búgin Parlamenti Senatynyń Áleýmettik-mádenı damý komıtetinde asbesti paıdalanýǵa qatysty qujatty talqylaý barysynda Eńbek jáne halyqty áleýmettik qorǵaý vıtse-mınıstri Birjan Nurymbetov málim etti.
Onyń sózine qaraǵanda, búginde respýblıka boıynsha eńbek ınspektorlarynyń sany 343 adam. «Ókinishke oraı bul bul jetkiliksiz. Sebebi bizde 245 myń kásiporyn bar bolsa, biz jylyna onyń 20 myńyn teksere alamyz. Bul degenińiz tekserýge jatatyn nysandardyń 9-10 paıyzy ǵana, tipti odan da az. ıAǵnı, matematıkalyq esepke salatyn bolsaq, biz ár mekemeni 10 jylda bir-aq ret tekserip otyrmyz», - dedi mınıstrdiń orynbasary.
