Almaty oblysynda 11-synyp oqýshysy UBT-dan 140 ball jınady

QONAEV. KAZINFORM – Almaty oblysy Eńbekshiqazaq aýdany Tolqyn orta mektebiniń 11-synyp oqýshysy  Sanjar Qýandyq UBT-da eń joǵary 140 ball jınap, úzdik nátıje kórsetti. 

— Bul — úlken eńbektiń, talmaǵan izdenistiń jáne sapaly bilimniń jemisi. Sanjardyń jetistigi — ustazdary men ata-anasynyń qoldaýynyń, júıeli daıyndyqtyń aıqyn kórinisi. Osy oraıda, bilimge degen umtylysy men tabandylyǵy úshin Qýandyq Sanjardy shyn júrekten quttyqtaımyz! Aldaǵy oqýynda da sáttilik serik bolyp, bolashaqta el damýyna óz úlesin qosatynyna senimimiz mol, — deıdi oblys ákimi Marat Sultanǵazıev.

Mektep ujymy da bul jetistikke erekshe qýanyp, shákirtteriniń bıik belesterdi baǵyndyra berýine tilektestik bildirdi.

— Aıta keteıik, bıylǵy naýryzdaǵy UBT joǵary básekelestik jaǵdaıynda ótip, talapkerlerge bilimderin dáleldeýge múmkindik berdi, — delingen oblys ákiminiń baspasóz qyzmeti habarlamasynda.

Osyǵan deıin naýryz aıynda ótken UBT kezinde 22 talapkerdiń nátıjesi joıylǵany týraly jazdyq.