Eńbekshiqazaq aýdanynda koronavırýs anyqtalǵan alǵashqy naýqas aýrýhanadan shyǵaryldy
TALDYQORǴAN. QazAqparat - Búgin . Ol oblys boıynsha atalǵan indetten jazylǵan 7-shi adam, - dep habarlaıdy QazAqparat tilshisi Almaty oblysy ákiminiń baspasóz qyzmetine silteme jasap.
Naýqastanyp, jazylyp shyqqan 59 jastaǵy azamat - Eńbekshiqazaq aýdany Esik qalasynyń turǵyny. Ol 26 naýryzda Ózbekstannan úılený toıynda bolyp kelgen. 28 naýryzda shuǵyl medıtsınalyq kómek brıgadasy ony Eńbekshiqazaq aýdany, Báıdibek bı aýylyndaǵy aýyldyq aýrýhananyń observatsııalyq bólimine jetkizgen. Naýqaspen qarym-qatynas jasaǵan 13 adamnan aýrýhanada vırýsologııaǵa taldaý alyndy. Olardyń barlyǵynyń nátıjesi taza shyqty.
Naýqasqa 14 sáýirde qaıta jasalǵan taldaý qorytyndysy onyń saý ekenin kórsetti. Patsıenttiń shaǵymy joq, jaǵdaıy qanaǵattanarlyq.
Sonymen, Almaty oblysynda koronavırýsten jazylǵandar sany 7 adam boldy.
