Eńbekshiqazaq aýdanynda qoǵamdyq tártipti atty patrýlder de qadaǵalaıtyn boldy
TALDYQORǴAN. QazAqparat - Almaty oblysynyń Eńbekshiqazaq aýdanynda koronavırýstyq ınfektsııanyń taralý derekteriniń anyqtalýyna baılanysty aımaqta qoǵamdyq tártip pen azamattardyń qaýipsizdigin qamtamasyz etý sharalary kúsheıtildi, - dep habarlaıdy QazAqparat tilshisi.
«Almaty oblysy bas sanıtarlyq dárigeriniń aǵymdaǵy jyldyń 13 sáýirindegi №6 qaýlysynda polıtsııanyń naqty mindetteri aıqyndalǵan. Olardy iske asyrý maqsatynda indettiń odan ári taralýyn boldyrmaý jónindegi barlyq qajetti shuǵyl sharalar qabyldanýda. Atap aıtqanda, aýdannyń barlyq kirý jáne shyǵý joldary buǵattalyp, adamdardyń aýyl arasyndaǵy qozǵalysy shekteldi. Qazirgi kezeńde 25 blokpost bar. Odan ózge, kirý jáne shyǵý joldaryna jeke quramnyń 50-ge jýyq qyzmetkeri jumyldyrylǵan 3 negizgi blokpost ornatylǵan. Barlyq jerlerdi muqııat baqylaý jáne quqyqbuzýshylyqtarǵa shuǵyl áreket etý maqsatynda atty narıadtar uıymdastyryldy. Olar aýmaqty, úılerdi jáne ózge de obektilerdi jaıaý aralaýmen jáne halyqpen profılaktıkalyq jumystardy belsendi túrde júrgizýmen aınalysady»,-dedi aýdandyq polıtsııa basqarmasynyń bastyǵy polıtsııa polkovnıgi Talǵat Seılhanov.
