Eńbekmıni men Qazaqstannyń Eýropalyq bıznes qaýymdastyǵy Yntymaqtastyq týraly memorandýmǵa qol qoıdy

NUR-SULTAN. QazAqparat - QR Eńbek jáne halyqty áleýmettik qorǵaý mınıstrligi (budan ári – Eńbekmıni) jáne Qazaqstannyń Eýropalyq bıznes qaýymdastyǵy (budan ári – QEBQ) onlaın-kezdesý ótkizdi. Onda taraptar Eńbek jáne kóshi-qon zańnamasy máselelerin talqylap, Yntymaqtastyq týraly memorandýmǵa qol qoıdy, dep habarlaıdy QazAqparat atalmysh vedomostvonyń baspasóz qyzmetine silteme jasap.

Іs-sharaǵa QR Eńbek jáne halyqty áleýmettik qorǵaý mınıstri Serik Shápkenov, QR Eńbek jáne halyqty áleýmettik qorǵaý birinshi vıtse-mınıstri Aqmádı Sarbasov, QEBQ Dırektorlar keńesiniń tóraǵasy Erlan Dosymbekov, QEBQ atqarýshy dırektory ıÝlııa Kýsaıdı jáne QEBQ basqa da músheleri qatysty.

Onlaın-kezdesý barysynda eńbek jáne kóshi-qon zańnamasynyń ózekti máseleleri, atap aıtqanda, personaldy usyný, qyzmetkerlerdi issaparǵa jiberý, qashyqtyqtan jumys isteý, sheteldik jumys kúshin tartý, jumyspen qamtýdyń jańa nysandary jáne t.b. máseleler talqylandy.

Aqmádı Sarbasov baıandama jasady. Spıker eńbek qatynastaryn zańnamalyq deńgeıde retteý jáne Qazaqstan jaǵdaıynda sheteldik jumys kúshin tartý erekshelikteri týraly aıtyp berdi.

Onlaın-kezdesýdiń sońynda QR Eńbek jáne halyqty áleýmettik qorǵaý mınıstri Serik Shápkenov pen QEBQ dırektorlar keńesiniń tóraǵasy Erlan Dosymbekov Yntymaqtastyq týraly memorandýmǵa qol qoıdy. Qujat sheńberinde taraptar ınvestıtsııalyq tartymdylyqtyń ósýi, eńbek jáne kóshi-qon zańnamasyn jetildirý, Qazaqstan men Eýropalyq Odaq elderi arasyndaǵy áleýmettik bastamalardy iske asyrý úshin birlesken kúsh-jiger jumsaıtyn bolady.