Eńbekmıni halyqtyń ál-aýqatyn jaqsartatyn baǵdarlamany iske qosqany ras pa

ASTANA. KAZINFORM — Áleýmettik jeliler men messendjerlerde taralǵan «Svetlyı pýt» baǵdarlamasy týraly aqparat shyndyqqa sáıkes kelmeıdi, dep habarlaıdy Eńbekmıni baspasóz qyzmeti.

Belgisiz adamdar deepfake tehnologııasyn qoldanyp, áleýmettik jeliler men messendjerlerde QR Eńbek jáne halyqty áleýmettik qorǵaý mınıstrligi ınflıýenserlermen birlesip «Svetlyı pýt» baǵdarlamasyn iske qosty degen jalǵan málimet berilgen beınerolık jarııalap jatyr. Onda bul baǵdarlama azamattarǵa paıda tabýǵa jáne olardyń ál-aýqatyn jaqsartýǵa múmkindik beredi dep kórsetilgen.

— Deepfake tehnologııasy jasandy ıntellekt kómegimen foto-, aýdıo- nemese beınematerıalda bir adamnyń bet-beınesin ekinshi adamnyń túrine aýystyryp, sıntetıkalyq kontent jasaýǵa múmkindik beredi. Eger siz osyndaı jaǵdaıǵa tap bolsańyz, tekserilmegen derekkózderden kelgen beıne jáne aýdıojazbalarǵa senbeýińizdi, olardy taratpaýyńyzdy, sondaı-aq kúmándi siltemelerge ótpeýińizdi suraımyz. Bul — jeke derekterińizdiń alaıaqtardyń qolyna túsý qaýpin boldyrmaý úshin mańyzdy. Jalǵan aqparat taratý zań boıynsha jazalanatynyn esterińizge salamyz, — delingen vedomstvo habarlamasynda.

Budan buryn QR Prezıdenti janyndaǵy Ortalyq kommýnıkatsııalar qyzmeti qurylymynda 2025 jyly Jalǵan aqparatqa qarsy kúres jónindegi ortalyq iske qosyldǵanyn jazǵanbyz.