Enbek.kz portalynda jańa servıs – Tsıfrlyq jumyspen qamtý qyzmeti iske qosyldy
ASTANA. KAZINFORM – Jasandy ıntellekt tehnologııalarynyń kómegimen servıs sizdiń bilimińizdi, jumys tájirıbeńizdi, daǵdylaryńyz ben mansaptyq qyzyǵýshylyqtaryńyzdy eskere otyryp, qolaıly jumys tabýǵa kómektesedi.
Sonymen qatar Mansaptyq profıl kásibı damýdyń baǵyttaryn aıqyndap, jumysqa ornalasý boıynsha suhbattasýǵa daıyndyıdy jáne jumysqa ornalasý jolyndaǵy ilgerileýińizdi baqylaýǵa kómektesedi.
Eńbek jáne halyqty áleýmettik qorǵaý mınıstrligi málimetinshe, qazirgi ýaqytta servıs Pavlodar oblysynda jumys isteıdi. Jaqynda Mańǵystaý oblysynda iske qosylyp, artynan Qazaqstannyń barlyq óńiriniń turǵyndary úshin qoljetimdi bolady.
Aıta keteıik, jyl basynan beri Enbek.kz platformasynda 495,7 myń bos jumys orny men 609,3 myń túıindeme ornalastyryldy. Onyń ishinde 2026 jylǵy mamyr aıynda jumys berýshiler Elektrondyq eńbek bırjasyna 86,7 myń bos jumys ornyn jarııalasa, jumys izdeýshiler 91,6 myń túıindeme ornalastyrǵan.
