Enbek.kz: 86 myńnan astam bos jumys orny jarııalandy
ASTANA. KAZINFORM — Jyl basynan beri Enbek.kz platformasynda 495,7 myń bos jumys orny men 609,3 myń túıindeme ornalastyryldy. Onyń ishinde 2026 jylǵy mamyr aıynda jumys berýshiler Elektrondyq eńbek bırjasyna 86,7 myń bos jumys ornyn jarııalasa, jumys izdeýshiler 91,6 myń túıindeme ornalastyrǵan. Bul týraly Eńbek jáne halyqty áleýmettik qorǵaý mınıstrligi málim etti.
Elektrondyq eńbek bırjasynda vakansııalar men túıindemeler boıynsha jaǵdaı tómendegideı:
-
2026 jyldyń basynan beri Enbek.kz platformasynda 495,7 myń bos jumys orny jáne 609,3 myń túıindeme ornalastyryldy.
-
2026 jylǵy mamyrda jumys berýshiler 86,7 myń bos jumys ornyn jarııalasa, jumys izdeýshiler 91,6 myń túıindeme ornalastyrǵan.
Salalyq bólinis
Eń kóp suranys baıqalǵan salalar:
- Bilim berý – 14 myń bos jumys orny
- Qyzmet kórsetý salasy – 12,5 myń
- Densaýlyq saqtaý jáne áleýmettik qyzmetter – 8,6 myń
- Qurylys – 8 myń
- Aýyl, orman jáne balyq sharýashylyǵy – 7,5 myń
- Óńdeý ónerkásibi – 6,9 myń
Óńirlik bólinis
Eń kóp bos oryndar:
-
Astana qalasy – 8,3 myń
-
Pavlodar oblysy – 5,5 myń
-
Almaty qalasy – 5,2 myń
-
Túrkistan oblysy – 5,1 myń
-
Atyraý oblysy – 5 myń
Biliktilik deńgeıi boıynsha suranys
-
Orta biliktilik deńgeıindegi mamandar – 43%
-
Tómen biliktilik talap etetinder – 31%
-
Joǵary bilikti mamandar – 26%
Eńbek naryǵyndaǵy usynysqa kelsek, mamyrda 91,6 myń túıindeme ornalastyryldy. Jumys izdeýshilerdiń basym bóligin 35 jasqa deıingi azamattarǵa tıesili, olar barlyq túıindemeniń 41%-in quraıdy. 35-44 jas aralyǵyndaǵy úmitkerlerdiń úlesi – 28%, 45-54 jas aralyǵyndaǵylar – 20%, al 55 jastan asqandar – 11%. Genderlik quram boıynsha jumys izdeýshilerdiń 52%-i áıelder bolsa, 48%-i er adamdar.
Biliktilik deńgeıi boıynsha túıindemeler
-
Orta biliktilik – 40%
-
Joǵary bilikti – 31%
-
Tómen biliktilik – 29%
Mamyrda eń joǵary jalaqy usynylǵan bos jumys oryndarynyń qatarynda taý-ken ónerkásibindegi óndiris bastyǵynyń orynbasary (shamamen 1,45 mln teńge), aqparattyq qaýipsizdik jónindegi ınjener (shamamen 1,23 mln teńge) jáne bas dánekerleýshi (shamamen 1,24 mln teńge) bar.
Al jumys izdeýshiler arasynda eń joǵary jalaqy kútkender qatarynda keme kapıtany laýazymyna úmitkerler (shamamen 8,7 mln teńge), basshynyń orynbasary (shamamen 3,7 mln teńge) jáne ushqyshtar (shamamen 2,8 mln teńge) tirkeldi.
Aıta keteıik, Astanada jyl basynan beri 14 myńnan astam adam jumysqa ornalastyryldy.
