Eńbekkerlerdiń aılyq jalaqylaryn tólemegenderi úshin 1 myń laýazym ıesi ákimshilik jaýapqa tartyldy
ASTANA. Maýsymnyń 24-i. QazAqparat /Aıdar Ospanalıev/ - Prokýratýra organdary aılyq jalaqyny ýaqytynda tólemeý áreketterine baılanysty máselelerdi sheshýmen aınalysýdy jalǵastyrýda. Jyl basynan beri prokýrorlar eńbekshilerdiń quqyqtaryn qorǵaý maqsatynda 749 usynys pen 307 uıyǵarym engizip, 394 zań talaptaryn túsindirý jumystaryn júrgizgen. Al qozǵalǵan qylmystyq isterdiń sany 17.
Bul týraly búgin jýrnalıstermen bolǵan brıfıngte Bas prokýratýranyń resmı ókili Nurdáýlet Súıindikov aıtty.
Onyń málimetteri boıynsha, ákimshilik jaýapqa 1 myńnan astam laýazym ıeleri tartylǵan. Prokýrorlyq qadaǵalaý aktileriniń negizinde 100 myń adamnyń 5 mıllıard teńgege jýyq qarjysy qaıtarylǵan. «Almaty qalasynda prokýrorlardyń uıǵarymymen «Mádenı saıasat jáne ónertaný ınstıtýty» jaýapkershiligi shekteýli seriktestiginen eńbekkerlerge 3 mıllıon teńgeniń jalaqysy tólendi. Al Batys Qazaqstan oblysyndaǵy «Oral joldary» aktsıonerlik qoǵamy prokýrorlar aktisiniń negizinde eńbekkerlerge bereshek 6 mıllıon teńgeni tóledi», dedi resmı ókil.
