Eńbekke jaramsyzdyq paraǵyn tekserýdiń ádisi tabyldy
ASTANA. QazAqparat - Astanalyq jumys berýshiler «Smart Astana» mobıldi qosymshasymen eńbekke jaramsydyq paraǵynyń túpnusqalyǵyn teksere alady, dep habarlaıdy QazAqparat tilshisi.
Arnaıy QR-kod arqyly eńbekke jaramsyzdyq paraǵyn qashan jáne kim bergenin anyqtaýǵa bolady.
«Jumys berýshiler eńbekke jaramsyzdyq týraly medıtsınalyq anyqtamalardyń ınternette erkin satylatynyn aıtyp, shaǵymdanǵan edi. Bul máseleni quqyq qorǵaý organdary men QR Densaýlyq saqtaý mınıstrligi deńgeıinde de kótergenbiz. Endi «Astana-adaldyq alańy» jobasymen «Smart Astana» mobıldi qosymshasynda medıtsınalyq uıymdar bergen anyqtamanyń shynaıylyǵyn tekseretin aqparattyq qyzmet jasaýdy josparlap otyrmyz», - dedi Astana qalasy Qoǵamdyq densaýlyq saqtaý basqarmasynyń basshysy Kamaljan Nadyrov Sybaılas jemqorlyqqa qarsy is-qımyl ulttyq bıýrosynda ótken brıfıngte.
Basqarma basshysy elordada aldaǵy ýaqytta qaǵaz anyqtamalaryn berý túbegeıli joıylatynyn atap ótti.
