Eńbekke ýaqytsha jaramsyzdyqqa saraptama júrgizý, eńbekke ýaqytsha jaramsyzdyq paraǵyn jáne anyqtamasyn berý qaǵıdalary bekitildi

***

Qazaqstan Respýblıkasy Úkimetiniń qaýlysy

2011 jylǵy 31 qazan №1241 Astana, Úkimet Úıi

Eńbekke ýaqytsha jaramsyzdyqqa saraptama júrgizý, eńbekke ýaqytsha jaramsyzdyq paraǵyn jáne

anyqtamasyn berý qaǵıdalaryn bekitý týraly

«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 59-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:

1. Qosa berilip otyrǵan Eńbekke ýaqytsha jaramsyzdyqqa saraptama júrgizý, eńbekke ýaqytsha jaramsyzdyq paraǵyn jáne anyqtamasyn berý qaǵıdalary bekitilsin.

2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri         K.MÁSІMOV.

Qazaqstan Respýblıkasy

Úkimetiniń

2011 jylǵy «31» qazandaǵy

№1241 qaýlysymen

bekitilgen

Eńbekke ýaqytsha jaramsyzdyqqa saraptama júrgizý jáne eńbekke ýaqytsha jaramsyzdyq paraǵyn jáne anyqtamasyn berý

qaǵıdalary

                                                                       1. Jalpy erejeler



1. Osy Qaǵıdalar Qazaqstan Respýblıkasynyń 2007 jylǵy 15 mamyrdaǵy Eńbek kodeksine jáne «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksine sáıkes ázirlendi jáne medıtsınalyq uıymdardyń eńbekke ýaqytsha jaramsyzdyqqa saraptama júrgizýiniń, eńbekke ýaqytsha jaramsyzdyqty kýálandyratyn qujattar berýiniń tártibin aıqyndaıdy.

2. Osy Qaǵıdalarda mynadaı uǵymdar paıdalanylady:

1) eńbekke ýaqytsha jaramsyzdyq - adam organızminiń syrqattanýmen nemese jaraqattanýmen negizdeletin jaı-kúıi, mundaı kezde fýnktsııalardyń buzylýy eńbekke jaramdylyǵyn qalpyna keltirý nemese múgedektikti belgileý úshin qajetti ýaqyt boıy kásiptik eńbekti oryndaýdyń múmkin bolmaýymen ilese júredi;

2) eńbekke ýaqytsha jaramsyzdyq saraptamasy - maqsaty jeke adamnyń eńbekke jaramsyzdyǵyn jáne onyń syrqattaný kezeńinde eńbek mindetterin oryndaýdan ýaqytsha bosatylýyn resmı taný bolyp tabylatyn densaýlyq salasyndaǵy saraptamanyń túri;

3) medıtsınalyq-áleýmettik saraptama (budan ári - MÁS) - ońaltýdy qosa alǵanda, organızm fýnktsııasynyń turaqty buzylýynan týyndaǵan tirshilik-tynysynyń shektelýin baǵalaý negizinde kýálandyrylatyn adamnyń áleýmettik qorǵaý sharalaryna qajettilikterin aıqyndaý;

4) dárigerlik-konsýltatsııalyq komıssııa (budan ári - DKK) - medıtsınalyq uıym uıymdastyratyn komıssııa;

5) eńbekke ýaqytsha jaramsyzdyq paraǵy - eńbekke ýaqytsha jaramsyzdyqty kýálandyratyn jáne jumystan ýaqytsha bosatýǵa jáne eńbekke ýaqytsha jaramsyzdyǵy boıynsha járdemaqy alýǵa quqyǵyn rastaıtyn qujat;

6) eńbekke ýaqytsha jaramsyzdyq anyqtamasy - járdemaqy almaı jumystan (oqýdan) bosatý úshin negiz bolyp tabylatyn, densaýlyq saqtaý salasyndaǵy ýákiletti organ bekitken nysandar boıynsha eńbekke jaramsyzdyq faktisin kýálandyratyn qujat.

3. Eńbekke ýaqytsha jaramsyzdyq paraǵy:

1) jiti nemese sozylmaly aýrýlar asqynǵan;

2) eńbekke jaramdylyǵyn ýaqytsha joǵaltýǵa baılanysty jaraqattanǵan jáne ýlanǵan;

3) júktilikti jasandy úzgen;

4) naýqas balaǵa kútim jasaǵan;

5) júkti bolǵan jáne bosanǵan;

6) jańa týǵan ul/qyz balany asyrap alǵan;

7) sanatorıılik-kýrorttyq uıymdarda tolyq emdelgen;

8) karantın;

9) protezdegen kezde beriledi.

4. Eńbekke ýaqytsha jaramsyzdyq anyqtamasy:

1) aýyrǵan, jaraqattanǵan jáne ýlanǵan;

2) alkogolge nemese esirtkige mas kúıinde jaraqattanǵan, sondaı-aq alkogolge nemese esirtkige jiti ýyttanǵan;

3) ózge buzylýlarmen jáne aýrýlarmen asqynbaǵan sozylmaly alkogolızmdi, nashaqorlyqty emdegen;

4) naýqas balaǵa kútim jasaǵan;

5) ınvazıvtik tekserý ádisterin júrgizý kezeńinde konsýltatsııalyq-dıagnostıkalyq uıymdarda zerttep-qaraýdan ótken;

6) júktilikti jasandy úzgen;

7) júkti bolǵan jáne bosanǵan;

8) jańa týǵan ul/qyz balany asyrap alǵan;

9) sanatorıılik-kýrorttyq uıymdarda tolyq emdelgen;

10) karantın;

11) protezdegen kezde beredi;

12) aýysymnyń sońyna deıin eńbekke jaramsyz bolǵan kezde kásiporyndardyń jáne uıymdardyń medıtsınalyq pýnktteriniń medıtsına qyzmetkerleri beredi.

5. Eńbekke ýaqytsha jaramsyzdyq paraǵyn jáne anyqtamasyn:

1) memlekettik jáne jeke menshik nysanyndaǵy medıtsınalyq uıymdardyń, sondaı-aq jeke medıtsınalyq praktıkamen aınalysatyn dárigerler (budan ári - densaýlyq saqtaý sýbektileri) ózderinde eńbekke ýaqytsha jaramsyzdyqty saraptaý júrgizýdi qamtıtyn medıtsınalyq qyzmettiń túrin júzege asyrýǵa lıtsenzııasy bolǵan jaǵdaıda beredi;

2) aýyldyq jerde dáriger bolmaǵan jaǵdaıda eńbekke ýaqytsha jaramsyzdyq paraǵy men anyqtamasyn feldsherdiń berýine ruqsat beriledi.

6. Eńbekke ýaqytsha jaramsyzdyq paraǵy:

1) eńbekke ýaqytsha jaramsyzdyq belgileri anyqtalmaǵan jaǵdaıda medıtsınalyq uıymǵa medıtsınalyq kómek surap, ótinish bildirgen;

2) áskerı basqarý organdarynyń joldamasy boıynsha medıtsınalyq kýálandyrýdan, medıtsınalyq tekserýden ótetin nemese emdeletin;

3) qamaýdaǵy nemese ákimshilik qamaýdaǵy;

4) ambýlatorııalyq-emhanalyq jaǵdaılarda ártúrli em-sharalar men manıpýlıatsııalar qabyldaıtyn, tekserýden ótetin, asqynýdan (nasharlaýdan) tys sozylmaly aýrýlary bar adamdarǵa berilmeıdi.

Kórsetilgen jaǵdaılarda ambýlatorııalyq (statsıonarlyq) naýqastyń medıtsınalyq kartasynan kóshirme beriledi.

7. Mynadaı medıtsınalyq uıymdarda:

1) qan qyzmeti salasyndaǵy qyzmetti júzege asyratyn uıymdarda;

2) sot medıtsınasy salasyndaǵy qyzmetti júzege asyratyn uıymdarda;

3) travmatologııalyq pýnktterde jáne statsıonarlyq kómek kórsetetin medıtsınalyq uıymdardyń qabyldaý bólimshelerinde;

4) sanatorıılik-kýrorttyq uıymdarda;

5) apattar medıtsınasy uıymdarynda;

6) salamatty ómir saltyn qalyptastyrý jáne qunarly tamaqtaný salasyndaǵy qyzmetti júzege asyratyn uıymdardyń salasyndaǵy qyzmetti júzege asyratyn uıymdarda;

7) dárigerlik-dene shynyqtyrý dıspanserlerinde;

8) halyqtyń sanıtarııalyq-epıdemıologııalyq salamattylyǵy salasyndaǵy qyzmetti júzege asyratyn uıymdarda;

9) jedel medıtsınalyq kómek uıymdarynda eńbekke ýaqytsha jaramsyzdyq paraǵy berilmeıdi.

2. Eńbekke ýaqytsha jaramsyzdyqqa saraptama júrgizý,

eńbekke ýaqytsha jaramsyzdyq paraǵyn jáne

anyqtamasyn berý tártibi

8. Eńbekke ýaqytsha jaramsyzdyq paraǵy jáne anyqtamasy jeke basyn kýálandyratyn qujatyn, 16 jasqa deıingi balalar týý týraly kýáligin usynǵan kezde beriledi.

9. Eńbekke ýaqytsha jaramsyzdyq paraǵyn jáne anyqtamasyn berýdi jáne uzartýdy medıtsına qyzmetkeri adamdy tekserip-qaraǵannan jáne naýqastyń ambýlatorııalyq (statsıonarlyq) medıtsınalyq kartasyna ony jumystan ýaqytsha bosatý qajettigin negizdeıtin densaýlyq jaǵdaıy týraly derekterdi jazǵannan keıin júzege asyrady.

10. Eńbekke ýaqytsha jaramsyzdyq paraǵy men anyqtamasy eńbekke ýaqytsha jaramsyzdyǵy belgilengen kúninen bastap mereke jáne demalys kúnderin qosa alǵanda, eńbekke jaramdylyǵyn qalpyna keltirýdiń búkil kezeńi boıyna beriledi.

11. Osy Qaǵıdalardyń 21-tarmaǵynda kórsetilgen jaǵdaılardy qospaǵanda, adamdy medıtsına qyzmetkeri teksermegen, ótip ketken kúnder úshin eńbekke ýaqytsha jaramsyzdyq paraǵyn jáne anyqtamasyn berýge jol berilmeıdi.

12. Aýrýlar men jaraqattar kezinde eńbekke ýaqytsha jaramsyzdyq paraǵyn jáne anyqtamasyn medıtsına qyzmetkeri kúntizbelik úsh kúnge (halyqtyń tumaýmen qatty syrqattanýshylyǵy kezeńinde alty kúnge deıin) jáne jalpy uzaqtyǵy kúntizbelik alty kúnnen aspaıtyn merzimge jeke ózi jáne bir mezgilde beredi.

Eńbekke ýaqytsha jaramsyzdyq paraǵy men anyqtamasyn alty kúnnen artyq uzartý medıtsınalyq uıymnyń bólimshe meńgerýshisimen birlesip, jalpy uzaqtyǵy kúntizbelik jıyrma kúnnen aspaıtyn merzimge júrgiziledi. Eńbekke ýaqytsha jaramsyzdyq paraǵynan kórsetilgen merzimnen artyq uzartý DKK-nyń qorytyndysy boıynsha júrgiziledi.

Jeke medıtsınalyq praktıkamen aınalysatyn jeke tulǵalar eńbekke ýaqytsha jaramsyzdyq paraǵyn jáne anyqtamasyn kúntizbelik alty kúnnen aspaıtyn merzimge beredi.

13. Eńbekke ýaqytsha jaramsyzdyq paraǵy júktilikti jáne bosanýdy, sondaı-aq «Eki aıdan astam eńbekke ýaqytsha jaramsyzdyq merzimi belgilenýi múmkin aýrý túrleriniń tizbesin bekitý týraly» Qazaqstan Respýblıkasy Úkimetiniń 2007 jylǵy 4 jeltoqsandaǵy № 1171 qaýlysymen aıqyndalǵan jaǵdaılardy qospaǵanda, eki aıdan aspaıtyn merzimge beriledi.

Eger DKK-nyń qorytyndysy boıynsha múgedektikti belgileý maqsatynda MÁS-ǵa jiberý úshin negiz bolmasa jáne adamdardyń eńbek jaǵdaıyn aýrýdyń klınıkalyq aǵymy men boljamyn nasharlatsa, DKK-nyń eki aıdan alty aıǵa deıingi merzimge neǵurlym jeńil jumysqa ýaqytsha aýystyrý týraly qorytyndysy beriledi. Merzimdi kásibine (mamandyǵyna), aýrýdyń aǵymy men asqynýlaryna qaraı DKK belgileıdi.

14. Jumys (aýysym, oqý) ýaqyty aıaqtalǵannan keıin medıtsınalyq kómekke ótinish bildirgen adamdarǵa eńbekke ýaqytsha jaramsyzdyq paraǵynda jáne anyqtamasynda kelesi kúnnen bastap jumystan bosatý kúni kórsetiledi.

15. Jedel medıtsınalyq járdem brıgadasy qyzmet kórsetken jáne travmatologııalyq pýnktte eńbekke ýaqytsha jaramsyz dep tanylǵan adamdarǵa medıtsınalyq kartaǵa onyń densaýlyq jaǵdaıy týraly jazyla otyryp, eńbekke ýaqytsha jaramsyzdyq anyqtamasy beriledi.

Eńbekke jaramsyzdyq paraǵy men anyqtamasy olardyń travmatologııalyq pýnktke jáne jedel medıtsınalyq járdemge ótinish bildirgenin rastaıtyn anyqtamanyń negizinde kórsetilgen medıtsınalyq uıymǵa ótinish bildirgen kúni esepke alyna otyryp, ol ótinish bildirgen kúni tirkelgen jerindegi emhanada beriledi.

16. Ol jumysqa jaramsyz bolǵan jaǵdaıda kásiporyndar men uıymdardyń medıtsınalyq pýnktteriniń medıtsına qyzmetkeri keıinnen medıtsınalyq uıymǵa jibere otyryp, aýysymnyń aıaǵyna deıin eńbekke ýaqytsha jaramsyzdyq anyqtamasyn beredi. Eńbekke ýaqytsha jaramsyzdyq paraǵyn jáne anyqtamasyn berýdi kásiporynnyń medıtsınalyq pýnktine ótinish bildirgen kúnin esepke ala otyryp, adam tirkelgen medıtsınalyq uıymnyń medıtsına qyzmetkeri júrgizedi. Eger medıtsına qyzmetkeri adamdy eńbekke jaramdy dep tanysa, onda eńbekke ýaqytsha jaramsyzdyq paraǵy berilmeıdi.

17. Týberkýlez, psıhıkalyq, teri-venerologııalyq, onkologııalyq jáne adamnyń ımmýn tapshylyǵy vırýsy/ juqtyrylǵan ımmýn tapshylyǵy sındromy (budan ári - AITV/JITS) aýrýlary kezinde eńbekke ýaqytsha jaramsyzdyq paraǵyn jáne anyqtamasyn mamandandyrylǵan medıtsınalyq uıymdardyń (bólimshelerdiń, kabınetterdiń) tıisti medıtsına qyzmetkerleri beredi. Osy aýrýlarmen aýyratyn adamdar jalpy beıindi medıtsınalyq uıymdarǵa júgingen kezde medıtsına qyzmetkeri keıinnen mindetti túrde adamdy mamandandyrylǵan medıtsınalyq uıymǵa (bólimshege), ondaı bolmaǵan jaǵdaıda beıindi mamanǵa jibere otyryp, kúntizbelik úsh kúnnen aspaıtyn merzimge eńbekke ýaqytsha jaramsyzdyq paraǵyn jáne anyqtamasyn beredi.

18. Adamdy sanatorıılik-kýrorttyq uıymǵa aýystyrǵan jaǵdaıda, ony medıtsınalyq ońaltý emdeýdiń ajyramas komponenti bolyp tabylǵanda eńbekke ýaqytsha jaramsyzdyq paraǵyn jáne anyqtamasyn uzartýdy DKK qorytyndysynyń negizinde eńbekke ýaqytsha jaramsyzdyq paraǵyn jáne anyqtamasyn ashqan medıtsınalyq uıym júrgizedi.

19. Eńbekke ýaqytsha jaramsyzdyq paraǵyn jáne anyqtamasyn statsıonarlyq emdeý kezinde (kúndizgi statsıonarlardy qosa alǵanda) medıtsına qyzmetkeri adamdy shyǵarǵan kúni statsıonarlyq emdeýdiń búkil kezeńine beredi.

Eger statsıonardan shyǵarý sátine adamnyń eńbekke jaramdylyǵy tolyq qalpyna keltirilse, eńbekke ýaqytsha jaramsyzdyq paraǵy jáne anyqtamasy shyǵarylǵan kúnmen jabylady.

Eńbekke ýaqytsha jaramsyzdyǵy saqtalyp otyrǵan adamdarǵa eńbekke ýaqytsha jaramsyzdyq paraǵy jáne anyqtamasy onyń emhananyń medıtsına qyzmetkerine kelýi nemese medıtsına qyzmetkerin úıge shaqyrýy (bir kúnnen aspaıtyn merzimge) úshin qajetti ýaqyty eskerile otyryp, uzartylady.

Turǵan óńirinen tys em qabyldaǵan adamdarǵa onyń turaqty mekenjaıyna kelýi úshin qajetti ýaqyt (biraq kúntizbelik tórt kúnnen aspaıtyn merzimge) esepteledi.

Eńbekke ýaqytsha jaramsyzdyq paraǵyn jáne anyqtamasyn odan ári uzartý jáne jabý naýqastyń turǵylyqty jeri boıynsha il jáne DKK qorytyndysynan keıin ony odan ári baqylaýdy júzege asyratyn medıtsına qyzmetkeri nemese odan ári emdelý úshin naýqas jiberilgen medıtsınalyq uıym júrgizedi.

20. Sozylmaly alkogolızmdi, nashaqorlyqty, ýyttanýshylyqty emdeý kezinde eńbekke ýaqytsha jaramsyzdyq eńbekke ýaqytsha jaramsyzdyq anyqtamasymen kýálandyrylady. Eger bul kezeńde aýrýlar týyndasa nemese jaraqat alsa eńbekke ýaqytsha jaramsyzdyq paraǵy beriledi.

21. Psıhıkalyq aýrýlary bar adamdar medıtsınalyq uıymǵa ýaqytynda qaralmaǵan kezde eńbekke ýaqytsha jaramsyzdyq paraǵy jáne anyqtamasy psıhonevrologııalyq dıspanserdiń DKK-nyń nemese medıtsınalyq uıymnyń basshysymen birlese otyryp, medıtsına qyzmetkeriniń (psıhıatr dáriger) qorytyndysy boıynsha ótken kúnderi úshin beriledi.

Sottyń sheshimi boıynsha eńbekke jaramsyz dep tanylǵan sot-medıtsınalyq nemese sot-psıhıatrııalyq saraptamaǵa jiberilgen adamdarǵa eńbekke ýaqytsha jaramsyzdyq paraǵy jáne anyqtamasy saraptamaǵa túsken kúninen bastap beriledi.

22. Oqýyn jumyspen qosa atqaratyn adamǵa eńbekke ýaqytsha jaramsyzdyq paraǵy tirkelgen jerindegi medıtsınalyq uıymdar beredi.

23. Eger adam birneshe jumys berýshide jumys isteıtin bolsa jumys berýshiniń ataýy kórsetile otyryp, oǵan árbir jumys orny boıynsha eńbekke ýaqytsha jaramsyzdyq paraqtary beriledi.

24. Áıelderge júktiligi men bosanýyna baılanysty Memlekettik áleýmettik saqtandyrý qorynan áleýmettik tólemaqyny júzege asyrý úshin eńbekke ýaqytsha jaramsyzdyq paraǵy (paraqtary) beriledi.

25. Eńbekke ýaqytsha jaramsyzdyq paraǵy jáne anyqtamasy olardyń ýaqytsha kelgen jerinde resimdeledi jáne tıisti medıtsınalyq uıym basshysynyń kelisimi boıynsha beriledi.

Kórsetilgen eńbekke ýaqytsha jaramsyzdyq paraǵyn jáne anyqtamasyn uzartý eńbekke ýaqytsha jaramsyzdyq paraǵyn jáne anyqtamasyn ashqan medıtsınalyq uıymnyń DKK qorytyndysy bolǵan jaǵdaıda turaqty mekenjaıy boıynsha júrgiziledi.

26. Turaqty mekenjaıynan tys, onyń ishinde Qazaqstan Respýblıkasynyń sheginen tys medıtsınalyq uıymdarǵa jiberilgen adamdarǵa eńbekke ýaqytsha jaramsyzdyq paraǵyn jáne anyqtamasyn jol júrýge qajetti kúntizbelik kúnderdiń talap etiletin sanyna, biraq kúntizbelik bes kúnnen aspaıtyn merzimge DKK qorytyndysy boıynsha jibergen medıtsınalyq uıym beredi.

Bul eńbekke ýaqytsha jaramsyzdyq paraǵyn jáne anyqtamasyn uzartý adam jiberilgen medıtsınalyq uıymda júrgiziledi. Eger adam Qazaqstan Respýblıkasynan tys jiberilgen bolsa, eńbekke ýaqytsha jaramsyzdyq paraǵyn jáne anyqtamasyn sońǵy resimdeýdi ol qaıtyp kelgen kezde DKK basqa eldegi konsýltatsııa (emdeý) týraly qujattardyń negizinde júrgizedi.

27. Turaqty mekenjaıynda, jumys isteıtin jáne oqıtyn jerinde eńbekke ýaqytsha jaramsyzdyq paraǵyn jáne anyqtamasyn alǵan adamdarǵa olardy basqa medıtsınalyq uıymda uzartý medıtsınalyq uıymnyń DKK qorytyndysy bolǵan jaǵdaıda ǵana júrgiziledi.

28. Qazaqstan Respýblıkasy adamdarynyń shetelde bolýy kezeńinde olardyń aýrý, jaraqattaný faktilerin kýálandyratyn qujattar onyń tirkelgen jerindegi medıtsınalyq uıymnyń DKK qorytyndysy boıynsha eńbekke ýaqytsha jaramsyzdyq paraǵyn jáne anyqtamasyn berý úshin negiz bolyp tabylady.

29. MÁS-ǵa:

1) eńbekke ýaqytsha jaramsyzdyǵy bastalǵan kúnnen bastap tórt aıdan keıin nemese qaıtalap aýrýy (sol aýrýmen) kezinde sońǵy on eki aıdyń ishinde eńbekke ýaqytsha jaramsyzdyqtyń bes aıynan keshiktirmeı;

2) týberkýlezben aýrýdyń saldarynan eńbekke ýaqytsha jaramsyzdyq bastalǵan kúnnen bastap segiz aıdan keıin uzaq aýyratyn, jumys isteıtin eńbekke ýaqytsha jaramsyzdyq paraqtary bar adamdar jiberiledi.

30. Jumys isteıtin múgedekter múgedektikke ákelgen aýrýlary boıynsha densaýlyǵy nasharlaǵan kezde ýaqytsha jumysqa jaramsyzdyq kúninen bastap eki aıdan keıin MÁS-ǵa jiberiledi.

31. Adamdy MÁS-ǵa jiberýden bas tartqan jaǵdaıda ýaqytsha jumysqa jaramsyzdyq paraǵy MÁS-ǵa jiberýden bas tartqan kúninen bastap uzartylmaıdy, bul týraly málimetter eńbekke ýaqytsha jaramsyzdyq paraǵynda jáne naýqastyń ambýlatorııalyq (statsıonarlyq) medıtsınalyq kartasynda kórsetiledi.

32. Eńbekke ýaqytsha jaramsyzdyq paraǵynyń blankteri qatań eseptilik qujattary bolyp tabylady.

33. Eńbekke ýaqytsha jaramsyzdyq paraǵy osy Qaǵıdalarǵa qosymshaǵa sáıkes nysan boıynsha beriledi.

34. Eńbekke ýaqytsha jaramsyzdyq paraǵy memlekettik nemese orys tilderinde resimdeledi.

35. Eńbekke ýaqytsha jaramsyzdyq paraǵyn beretin densaýlyq saqtaý sýbektileri onyń betki jaǵyn toltyrady. «Eńbekke ýaqytsha jaramsyzdyq paraǵy» ataýymen eńbekke ýaqytsha jaramsyzdyq paraǵynyń betki jaǵynda tıisinshe ne «alǵashqy» ne «jalǵasy» degen sózderdiń asty syzylady. Odan keıin medıtsınalyq uıymnyń ataýy men mekenjaıy, paraqty berý kúni, patsıenttiń tegi, aty, ákesiniń aty, laýazymy men jumys orny kórsetilip, medıtsınalyq uıymnyń móri qoıylady.

36. «Ýaqytsha jumysqa jaramsyzdyq túri» baǵanynda paraqty berý negizi kórsetiledi.

Eger eńbekke ýaqytsha jaramsyzdyq paraǵy bosanýǵa baılanysty berilse - bosaný kúni, ul/qyz balany asyrap alýǵa baılanysty-asyrap alý kúni, naýqas balaǵa kútim jasaý boıynsha - balanyń týǵan jyly men kúni kórsetiledi.

37. «Rejım» degen jolda jazylǵan emdeý-saqtaý rejıminiń (statsıonarlyq, ambýlatorııalyq, sanatorııalyq) túri kórsetiledi. Medıtsına qyzmetkeri taǵaıyndaǵan rejımdi adamnyń buzý jaǵdaılary (alkogoldi shamadan tys paıdalaný, taǵaıyndaǵan zerttep-qaraýdy nemese emdeýdi oryndamaý, medıtsına qyzmetkeriniń qabyldaýyna kórsetilgen merzimde kelmeý, basqa jerge ketip qalý jáne basqalar) mindetti túrde belgilenip, medıtsına qyzmetkeriniń qoly qoıylady.

38. Tıisti kestelerde statsıonarlyq emdeý merzimderi týraly, MÁS-ǵa joldaý kúni jáne olardyń qorytyndysy týraly belgiler jasalady.

39. «Jumystan bosatý» bólimindegi «Qaı kúnnen bastap» baǵany arab tsıfrlarymen, al «Qaı kúndi qosa alǵanda» degen baǵanda jazbasha jazylady. Bul bólimniń árbir jolynda medıtsına qyzmetkeriniń laýazymy, tegi men aty kórsetilip,odan keıin qoly qoıylady.

40. «Jumysqa kirisý» degen jol adam tekserilip-qaralǵannan jáne eńbekke jaramdy dep tanylǵannan keıin kelesi kúnmen (aıy men kúni) jazbasha toltyrylady. Eńbekke ýaqytsha jaramsyzdyq saqtalǵan jaǵdaıda: «Áli syrqattanýda» dep jazylady jáne basqa eńbekke jaramsyzdyq paraǵynyń nómiri men berilgen kúni kórsetiledi. Eńbekke jaramsyzdyq basqasha aıaqtalǵan jaǵdaıda: «Múgedektik belgilendi (kúni)», «qaıtys boldy» (qaıtys bolǵan kúni kórsetiledi) degen málimetter jazylady.

Eńbekke ýaqytsha jaramsyzdyq paraǵyn bergennen nemese merzimin uzartqannan keıin adam qabyldaýǵa kelmese, al kezekti qabyldaýda eńbekke jaramdy dep tanylsa, eńbekke jaramsyzdyq paraǵynyń «Jumysqa kirisý» degen jolynda: «Jumysqa jaramdy» (kelgen kúni kórsetile otyryp), «Qaı kúnnen bastap» jáne «Qaı kúndi qosa alǵanda» degen baǵandardaǵy bos joldar «Z» belgisimen syzylady.

41. Eńbekke ýaqytsha jaramsyzdyq paraǵy adamnyń ótinishi boıynsha nemese onyń jumysyndaǵy ákimshiliktiń talaby boıynsha jabylmaıdy.

42. Naýqastyń ambýlatorııalyq kartasynda (statsıonarlyq syrqattyń medıtsınalyq kartasynda) eńbekke ýaqytsha jaramsyzdyq paraqtary blankileriniń nómirleri, olardyń berilgen kúni, uzartylǵan nemese jumysqa shyǵarylǵan kúni jazylady.

43. Eńbekke ýaqytsha jaramsyzdyq paraǵynyń syrtqy betin adamnyń jumys orny boıynsha jumys berýshi eńbekke ýaqytsha jaramsyzdyq kezeńinde aqy tólenetin jumys kúnderin kórsetýdi esepke ala otyryp, toltyrady.

44. Durys jazylmaǵandardy syza jáne ústińgi jaǵyna durys jaza otyryp, túzetýler engizýge bolady. Túzetýler densaýlyq saqtaý sýbektisiniń mórimen kýálandyrylǵan medıtsına qyzmetkeriniń qolymen eskertiledi.

45. Eńbekke ýaqytsha jaramsyzdyq paraǵyn ashqan kezde densaýlyq saqtaý sýbektisiniń móri paraqtyń birinshi bóliminiń ústinde oń jaǵyna jáne jumysqa shyǵarǵan kezde nemese jalǵasyn bergen kezde tómengi jaǵyna qoıylady.

46. Barlyq eńbekke ýaqytsha jaramsyzdyq paraqtary eńbekke ýaqytsha jaramsyzdarǵa eńbekke ýaqytsha jaramsyzdyq paraqtarynyń blankileri boıynsha eseptilik úshin qujat bolyp tabylatyn túbirtekterge qol qoıdyrý arqyly beriledi.

47. Berilgen eńbekke ýaqytsha jaramsyzdyq paraqtarynyń esebi eńbekke ýaqytsha jaramsyzdyq paraqtaryn tirkeý kitabynda júrgiziledi.

48. Búlingen jáne alynbaı qalǵan eńbekke ýaqytsha jaramsyzdyq paraqtarynyń blankilerin olardy bergen medıtsına qyzmetkerleri mynadaı tártippen qaıtarady: blankini ıir syzyqpen syzady jáne iri áriptermen «búlingen» nemese «qaıtarylǵan» dep jazady.

Blankilerdiń túbirtekteri, búlingen nemese alynbaı qalǵan blankiler medıtsınalyq uıymda eki jyl boıy saqtalady, sodan keıin basshy buıryǵynyń negizinde joıylady. Búlingen nemese alynbaı qalǵan blankilerdi joıý týraly akt bes jyl boıy saqtalady.

49. Eńbekke ýaqytsha jaramsyzdyq paraǵyn joǵaltqan jaǵdaıda, jumys ornynan joǵalǵan eńbekke ýaqytsha jaramsyzdyq paraǵy boıynsha járdem aqy tólenbegendigi týraly anyqtamany usynǵan kezde eńbekke ýaqytsha jaramsyzdyq paraǵyn bergen densaýlyq saqtaý sýbektisi onyń telnusqasyn beredi. Telnusqanyń aldyńǵy betiniń joǵarǵy jaǵynda «Telnusqa» degen belgi qoıylady.

50. Taǵaıyndaǵan kúni dárigerdiń qabyldaýyna kelmegen adamǵa eńbekke ýaqytsha jaramsyzdyq paraǵy júgingen kúninen bastap qana uzartylady, al kelmegen kúnderine júrgizilmeıdi.

51. Eńbekke jaramsyzdyq jalǵasqan jaǵdaıda medıtsına qyzmetkeri alǵashqy eńbekke jaramsyzdyq paraǵynyń «Rejımdi buzý týraly belgiler» degen baǵanynda buzýshylyqty belgilep, adamǵa eńbekke ýaqytsha jaramsyzdyq paraǵynyń «jalǵasyn» beredi.

52. Eńbekke ýaqytsha jaramsyzdyq paraǵynyń blankileri urlanǵan nemese joǵalǵan jaǵdaıda medıtsınalyq uıym ony anyqtaǵan kúninen bastap úsh kúntizbelik kúnnen aspaıtyn merzimniń ishinde kórsetilgen faktiler týraly densaýlyq saqtaý salasyndaǵy ýákiletti organǵa habarlaıdy.

2.1. Júktilik pen bosaný boıynsha ýaqytsha

eńbekke jaramsyzdyq paraǵyn jáne anyqtamasyn berý

53. Eńbekke ýaqytsha jaramsyzdyq paraǵy jáne anyqtamasy mynadaı tártipte júzege asyrylady:

1) júktilik pen bosaný boıynsha eńbekke ýaqytsha jaramsyzdyq paraǵyn jáne anyqtamasyn medıtsına qyzmetkeri (akýsher-gınekolog dáriger), al ol bolmaǵan jaǵdaıda - júktiliktiń otyzynshy aptasynan bastap uzaqtyǵy kúntizbelik júz jıyrma alty kúnge (bosanǵanǵa deıin kúntizbelik jetpis kún jáne bosanǵannan keıin kúntizbelik elý alty kún) DKK qorytyndysynan keıin bólimshe meńgerýshisimen birlesip, dáriger beredi.

ıAdrolyq synaqtardyń áserine ushyraǵan aýmaqtarda turatyn áıelderge júktiligi men bosanýy boıynsha eńbekke ýaqytsha jaramsyzdyq paraǵy jáne anyqtamasy qalypty bosanǵan jaǵdaıda jıyrma jeti aptadan bastap uzaqtyǵy kúntizbelik júz jetpis kúnge jáne asqynýlary bar bosanýlar nemese eki jáne odan da kóp bala týǵan jaǵdaıda kúntizbelik júz seksen tórt kúnge beriledi;

2) júktiligi men bosanýy boıynsha turaqty mekenjaıynan ýaqytsha ketken áıelderge eńbekke ýaqytsha jaramsyzdyq paraǵy jáne anyqtamasy bosanǵan jerindegi medıtsınalyq uıymda nemese áıelder konsýltatsııasynda (kabınetinde) bosandyrý uıymynyń shyǵarý qaǵazyna (aýystyrý kartasyna) sáıkes baqylaý orny boıynsha beriledi (uzartylady);

3) asqynǵan bosaný, eki jáne odan da kóp bala týǵan jaǵdaıda eńbekke ýaqytsha jaramsyzdyq paraǵy jáne anyqtamasy bosandyratyn densaýlyq saqtaý uıymynyń shyǵarý qaǵazyna sáıkes baqylaǵan jeri boıynsha áıelder konsýltatsııasynda (kabınetinde) qosymsha kúntizbelik on tórt kúnge uzartylady. Mundaı jaǵdaıda bosanǵanǵa deıingi jáne bosanǵannan keıingi demalystardyń jalpy uzaqtyǵy kúntizbelik júz qyryq kúndi quraıdy;

4) dene salmaǵy bes júz jáne odan artyq gramm bolǵan jıyrma eki jáne jıyrma toǵyz aptalyq tiri bala týǵan jáne ol jeti táýlikten astam ómir súrgen jaǵdaıda áıelge bosaný faktisi boıynsha kúntizbelik jetpis kúnge eńbekke ýaqytsha jaramsyzdyq paraǵy jáne anyqtamasy beriledi.

Dene salmaǵy bes júz jáne odan artyq gramm bolǵan jıyrma eki jáne jıyrma toǵyz aptalyq óli bala týǵan nemese ol jeti táýlikke deıin tiri bolyp, ólgen jaǵdaıda áıelge bosaný faktisi boıynsha kúntizbelik elý alty kúnge eńbekke ýaqytsha jaramsyzdyq paraǵy jáne anyqtamasy beriledi;

5) ıadrolyq synaqtardyń áserine ushyraǵan aýmaqtarda turatyn áıelder úshin dene salmaǵy bes júz jáne odan artyq gramm bolǵan jıyrma eki jáne jıyrma toǵyz aptalyq tiri bala týǵan nemese ol jeti táýlikten astam ómir súrgen jaǵdaıda áıelge toqsan bir kúnge eńbekke ýaqytsha jaramsyzdyq paraǵy jáne anyqtamasy beriledi. Óli bala týǵan kezde nemese týǵan balasy jeti táýlikke deıin tiri bolyp, ólgen jaǵdaıda áıelge bosaný faktisi boıynsha kúntizbelik jetpis jeti kúnge eńbekke ýaqytsha jaramsyzdyq paraǵy jáne anyqtamasy beriledi;

6) áıel tólenetin jyl saıynǵy eńbek demalysynda nemese úsh jasqa tolǵansha balaǵa kútim jasaý boıynsha jalaqysy saqtalmaıtyn qosymsha demalysta bolǵan kezeńde júktilik bastalǵan kezde eńbekke ýaqytsha jaramsyzdyq paraǵy júktiligi men bosanýy boıynsha demalystyń búkil kúnderine beriledi;

7) bosanǵan kezde nemese bosanǵannan keıingi kezeńde anasy qaıtys bolǵan jaǵdaıda eńbekke ýaqytsha jaramsyzdyq paraǵy jáne anyqtamasy nárestege kútim jasaýdy júzege asyratyn adamǵa beriledi;

8) júktiliktiń jasandy úzý operatsııasy kezinde eńbekke ýaqytsha jaramsyzdyq paraǵyn jáne anyqtamasyn operatsııa júrgizilgen statsıonarda jáne ambýlatorııalyq-emhanalyq deńgeıde bolǵan kezde dáriger bólimshe meńgerýshisimen birlesip beredi, al asqynýlar bolǵan jaǵdaıda - eńbekke ýaqytsha jaramsyzdyǵynyń búkil kezeńine beredi.

Túsik ózdiginen túsken (túsik tastaǵanda) jaǵdaıda eńbekke ýaqytsha jaramsyzdyq paraǵy jáne anyqtamasy eńbekke jaramsyzdyqtyń búkil kezeńine beriledi;

9) embrıondy aýystyryp qondyrý operatsııasyn júrgizgen kezde operatsııa jasaǵan medıtsınalyq uıym embrıondy aýystyryp qondyrǵan kúninen bastap júktilikti belgileý faktisine deıin eńbekke ýaqytsha jaramsyzdyq paraǵyn jáne anyqtamasyn beredi.

Ul nemese qyz balany asyrap alǵan adamdarǵa, sondaı-aq bıologııalyq analarǵa quryq ana bolý kezinde ul nemese qyz balany asyrap alǵan kúninen bastap jáne bala týǵan kúninen bastap kúntizbelik elý alty kún ótkenge deıin tikeleı perzenthanadan eńbekke ýaqytsha jaramsyzdyq paraǵy jáne anyqtamasy beriledi;

10) medıtsınalyq uıym eńbekke ýaqytsha jaramsyzdyq paraǵymen jáne anyqtamasymen bir ýaqytta júktiligi men bosanýyna, jańa týǵan náresteni (balany) asyrap alýyna baılanysty jumys berýshiniń júktiligi men bosanýyna, sondaı-aq jańa týǵan ul nemese qyz balany (balalardy) asyrap alýyna baılanysty demalysty resimdeýi úshin eńbekke ýaqytsha jaramsyzdyǵyn rastaıtyn DKK-nyń anyqtamasyn beredi.

2.2. Balaǵa kútim jasaý boıynsha eńbekke ýaqytsha

jaramsyzdyq paraǵyn jáne anyqtamasyn berý

54. Naýqas balaǵa kútim jasaý boıynsha eńbekke ýaqytsha jaramsyzdyq paraǵyn jáne anyqtamasyn medıtsına qyzmetkeri tikeleı kútim jasaýdy júzege asyratyn otbasy músheleriniń bireýine (qamqorshysyna) beredi.

55. Naýqas balaǵa kútim jasaý boıynsha eńbekke ýaqytsha jaramsyzdyq paraǵy jáne anyqtamasy ol kútim jasaýdy qajet etken kezeńniń ishinde, biraq kúntizbelik on kúnnen aspaıtyn merzimge beriledi jáne uzartylady. Anasymen nemese otbasynyń basqa bir múshesimen bolǵan bala turǵylyqty mekenjaıynan tys jerde aýyryp qalǵan jaǵdaıda eńbekke ýaqytsha jaramsyzdyq paraǵy jáne anyqtamasy basqa qalalyq retinde (medıtsınalyq uıym basshysynyń qoly qoıylyp) beriledi.

56. Medıtsına qyzmetkeriniń qorytyndysy boıynsha kútimdi qajet etetin balany statsıonarlyq emdeý kezinde kútim jasaý boıynsha eńbekke ýaqytsha jaramsyzdyq paraǵy jáne anyqtamasy ata-ananyń bireýine nemese balaǵa kútim jasaıtyn adamǵa:

1) úsh jasqa deıin balanyń statsıonarda bolǵan búkil kezeńinde;

2) eresek jastaǵy aýyr syrqattanǵan balalarǵa;

3) medıtsınalyq uıymnyń joldamasymen olardyń turaqty mekenjaıynan tys, onyń ishinde Qazaqstan Respýblıkasynan tys jerge, baryp-qaıtý jolaqysyn qosa alǵanda, statsıonarda bolǵan búkil kezeńine beriledi.

57. Eger bala statsıonardan shyǵarylǵannan keıin kútim jasaýdy qajet etse, al emdeýge jatqyzǵanǵa deıin kútim jasaý úshin jumystan bosatý júrgizilmese, eńbekke ýaqytsha jaramsyzdyq paraǵyn jáne anyqtamasyn turǵylyqty mekenjaıy boıynsha medıtsınalyq uıym kúntizbelik on kúnge deıingi kezeńge beredi. Eger statsıonarǵa jatqyzǵanǵa deıin bul aýrý boıynsha eńbekke jaramsyzdyq paraǵy jáne anyqtamasy berilgen bolsa, ol qalǵan kúnderge de (on kúnge deıin) beriledi.

58. Kútim jasaý boıynsha bosatylǵan kezeńde balada burynǵy aýrýǵa qatysy joq basqa aýrý týyndaǵan jaǵdaıda anasyna (ákesine nemese otbasynyń basqa bir múshesine) basqa eńbekke ýaqytsha jaramsyzdyq paraǵy jáne anyqtamasy beriledi.

59. Eger bala Qazaqstan Respýblıkasynan tys jerge jiberilse, ol qaıtyp kelgen kezde basqa eldegi konsýltatsııa (emdeý) týraly qujattardyń negizinde DKK eńbekke ýaqytsha jaramsyzdyq paraǵyn jáne anyqtamasyn túpkilikti resimdeýdi júrgizedi.

60. Bir mezgilde eki jáne odan da kóp bala aýyrǵan jaǵdaıda olarǵa kútim jasaý boıynsha eńbekke ýaqytsha jaramsyzdyq paraǵynyń jáne anyqtamasynyń bireýi beriledi.

61. Bala anasynyń (ákesiniń) jumystan bosaýyn (jyl saıynǵy tólenetin eńbek demalysy, júktiligi jáne bosanýy boıynsha demalys, eńbekaqysy saqtalmaıtyn demalys, demalys nemese mereke kúnderi, sondaı-aq balada burynǵy aýrýyna baılanysty emes basqa aýrý týyndaǵan jaǵdaıda) qajet etpeıtin kezeńde aýyrǵan kezde kútim jasaý boıynsha ýaqytsha jumysqa jaramsyzdyq paraǵy balanyń syrqattanýy bastalǵan kúni esepke alynbaı, ata-anasynyń jumysqa kirisýi tıis kúninen bastap beriledi.

62. Anasy (ákesi) balaǵa kútim jasaýdy júzege asyra almaı aýyryp qalǵan jaǵdaıda, eńbekke ýaqytsha jaramsyzdyq paraǵyn anasy (ákesi) aýyrǵan kezde balaǵa kútim jasaýdy naqty júzege asyratyn otbasy múshesiniń bireýine olardyń emdelgen jerindegi medıtsınalyq uıym beredi.

63. Naýqas balaǵa kútim jasaý boıynsha demalysta júrgen, tolyq emes jumys kúni shartynda nemese úıde jumys isteıtin adam eńbekke ýaqytsha jaramsyz bolǵan jaǵdaıda eńbekke ýaqytsha jaramsyzdyq paraǵy beriledi.

64. Remıssııa kezeńinde sozylmaly naýqas balalarǵa kútim jasaý boıynsha eńbekke ýaqytsha jaramsyzdyq paraǵy jáne anyqtamasy berilmeıdi.

 2.3. Karantın kezinde eńbekke ýaqytsha jaramsyzdyq

 paraǵyn jáne anyqtamasyn berý

65. Infektsııalyq aýrýmen aýyrǵan naýqastarmen qarym-qatynasta bolǵan nemese bakterııa tasýshylyq saldarynan ýaqytsha jumystan shettetilgen adamdarǵa eńbekke ýaqytsha jaramsyzdyq paraǵyn jáne anyqtamasyn aýmaqtyq sanıtarııalyq-epıdemıologııalyq qadaǵalaý organynyń epıdemıolog dárigeriniń usynysy boıynsha medıtsınalyq uıymnyń medıtsına qyzmetkeri (ınfektsıonıst dáriger) beredi.

Bul jaǵdaılarda ınfektsııalyq aýrýdy bastan ótkergen jáne olarmen qarym-qatynasta bolǵan adamdardy jumystan shettetý uzaqtyǵy adamdardy oqshaýlaý merzimimen anyqtalady.

66. Karantın kezinde mektepke deıingi bilim mekemesine baratyn jeti jasqa deıingi balaǵa kútimi jasaý boıynsha eńbekke ýaqytsha jaramsyzdyq paraǵyn jáne anyqtamasyn aýmaqtyq sanıtarııalyq-epıdemıologııalyq qadaǵalaý organynyń epıdemıolog dárigeri usynymynyń negizinde karantınniń búkil kezeńinde jumys isteıtin nemese oqıtyn otbasy múshesiniń bireýine beriledi.

67. Qoǵamdyq tamaqtaný, sýmen qamtamasyz etý uıymdarynda, medıtsınalyq uıymdarda, balalar mekemelerinde jumys isteıtin adamdarǵa olarda gelmıntoz bolǵan jaǵdaıda eńbekke ýaqytsha jaramsyzdyq paraǵy degelmıntızatsııalaýdyń búkil kezeńine beriledi.

2.4. Protezdeý kezinde eńbekke jaramsyzdyq

paraǵyn jáne anyqtamasyn berý

68. Protezdeý kezinde eńbekke jaramsyzdyq paraǵy jáne anyqtamasy adamdy tek protezdik-ortopedtik ortalyqtyń statsıonaryna emdeýge jatqyzý kezinde, naýqasty statsıonardan shyǵarý kezinde statsıonarda bolǵan búkil ýaqyty men emdelý ornyna kelý jáne qaıtý ýaqytyna, biraq kúntizbelik otyz kúnnen aspaıtyn merzimge ǵana statsıonardyń medıtsına qyzmetkeri medıtsınalyq uıymnyń basshysymen birlese otyryp, beredi.

Ambýlatorııalyq-emhanalyq jaǵdaılarda protezdelýshi adamdarǵa eńbekke ýaqytsha jaramsyzdyq paraǵy jáne anyqtamasy berilmeıdi.

2.5. Týberkýlezben aýyratyn naýqastarǵa eńbekke

ýaqytsha jaramsyzdyq paraǵyn jáne anyqtamasyn berý

69. Týberkýlezben aýyratyn naýqastar jalpy beıindegi medıtsınalyq uıymǵa qaralǵan jaǵdaıda eńbekke ýaqytsha jaramsyzdyq paraǵyn jáne anyqtamasyn berý osy Qaǵıdalardyń 17-tarmaǵynda kórsetilgen tártippen júrgiziledi.

70. Múgedek dep tanylǵan adamǵa eńbekke ýaqytsha jaramsyzdyq paraǵy jáne anyqtamasy múgedektik toby belgilengen kúninen bastap jabylady.

71. Óziniń negizgi jumysy boıynsha jáne onyń aınalasyndaǵy adamdarǵa juqtyrý qaýipi joq eńbekke ýaqytsha jaramsyz adamǵa oblystyq týberkýlezge qarsy uıymdardyń janynan qurylǵan ortalyqtandyrylǵan dárigerlik-konsýltatsııalyq komıssııa ony basqa (yńǵaıly) jumysqa aýystyrý týraly qorytyndy beredi.

72. Eńbekke ýaqytsha jaramsyzdyq kezinde adamnyń biliktiligi men eńbek aqysy joǵalmaıtyn emdelý kýrsy aıaqtaǵannan keıin onyń jumys (oqý) orny saqtalady.

73. Emdeýdiń basynda bakterııa bólmeıtin shektelgen úderister kezinde, emdeýdiń tıimdi kýrsy kezinde, oń klınıkalyq-rentgenologııalyq serpin kezinde jáne emdeýdiń qarqyndy satysynyń aıaqtalýy boıynsha eńbekke jaramdylyǵyn qalpyna keltirgen kezde eńbekke ýaqytsha jaramsyzdyq paraǵy jáne anyqtamasy jabylady.

74. Alǵash anyqtalǵan týberkýlez úderisi, sondaı-aq qaıtalanýy bar adam:

1) ókpesinde destrýktsııasyz týberkýlez úderisi, sondaı-aq shektelgen destrýktsııalyq úderisteri bar nysany kezinde statsıonarlyq, ambýlatorııalyq (sanatorıılik) emdeýdiń keminde on aı kezeńine eńbekke ýaqytsha jaramsyz dep sanalady.

Úderistiń kúsheıýine, asqynýlardyń týyndaýyna torpıdtik aǵym nemese úderis jaǵdaıynda qıyndatýshy faktorlar bolǵan kezde naýqas MÁS-ǵa jiberiledi. Eger MÁS-tiń qorytyndysy boıynsha naýqasty múgedek dep tanýǵa negiz bolmasa jáne onyń eńbekke ýaqytsha jaramsyzdyǵy jalǵassa, eńbekke ýaqytsha jaramsyzdyq paraǵy jáne anyqtamasy ODKK arqyly on eki aıǵa deıin uzartylady;

2) týberkýlezdiń taralǵan túrimen aýyratyn adam jaǵymdy keri serpini bar úderistiń qatersiz aǵymy jaǵdaıynda on-on eki aı boıy, ıaǵnı eńbekke jaramdylyqty qalpyna keltire otyryp, emdeýdiń búkil kezeńderin tolyq tıimdi aıaqtaǵanǵa deıin eńbekke ýaqytsha jaramsyz bolyp tabylady. Segiz aıǵa deıin emdeý áseri bolmaǵan jaǵdaıda naýqas MÁS-ǵa jiberiledi;

3) sozylmaly batsılla destrýktsııasynyń úrdisi barlar eńbekke ýaqytsha jaramsyz dep sanalady. Qaıtymsyz kúrt aıqyn patomorfologııalyq jáne fýnktsııalyq ózgeristeri bar, sondaı-aq kóptegen dárige kónbeýshiligi bar týberkýlez úderisiniń aýyrlyǵy segiz aıdan keıin MÁS-ǵa jiberýmen sharttasady.

Eńbekke ýaqytsha jaramsyzdyqqa

saraptama júrgizý jáne eńbekke ýaqytsha

jaramsyzdyq paraǵyn jáne

anyqtamasyn berý qaǵıdalaryna

qosymsha

Prılojenıe

k Pravılam provedenııa ekspertızy

vremennoı netrýdosposobnostı,

vydachı lısta ı spravkı o vremennoı

netrýdosposobnostı

Nysan

Forma

Jumystan bosatylý / Osvobojdenıe ot raboty

Jumysqa kirisý / Prıstýpıt k rabote

__________________________________________

(kúni men aıy jazýmen / chıslo ı mesıats propısıý)

Jańa paraq berildi (jalǵasy) / Vydan novyı lıst (prodoljenıe) №________ _____________________________

 Dárigerdiń qyzmeti, tegi, qoly/

 Doljnost, famılııa ı podpıs vracha

syrtqy beti

oborotnaıa storona