Eńbekke qabiletti sottalýshylardyń teń jartysy jumyspen qamtylmaı otyr - Q.Qasymov
ASTANA. QazAqparat - Qazaqstan túrmelerindegi eńbekke qabiletti sottalýshylardyń teń jartysy jumyspen qamtylmaı otyr. Búgin Májiliste qylmystyq-atqarý júıesindegi máselelerge arnalǵan Úkimet saǵatynda QR Іshki ister mınıstri Qalmuhanbet Qasymov osylaı málim etti.
Vedomstvo basshysynyń aıtýynsha, naryqtyq ekonomıka jaǵdaıynda sottalǵandardyń eńbegin paıdalaný, olardy jumyspen qamtý máselesi asa ózektige aınalyp otyr. Bul rette mınıstr byltyrǵy jylmen salystyrǵanda, eńbekpen qamtylǵan sottalýshylar sany 1,5 myńǵa artqanyn atap ótti.
«Búgingi kúni túrmelerdegi eńbekke qabiletti 26 myńnan astam sottalýshynyń teń jarymy, ıaǵnı 13 myń adam ǵana jumyspen qamtylyp otyr. Qazirgi tańda qylmystyq atqarý júıesiniń kásiporyndarynda ónerkásiptiń túrli salalaryna qajetti buıymdar shyǵaryla bastady. Jaqynda ǵana Qaraǵandy oblysyndaǵy qatań rejımdegi túrmede sút óńdeý tsehy ashyldy, onyń qýaty jylyna 900 tonnadan astam», - dedi Q.Qasymov.
