Eńbekke qabiletti múgedekterdiń tek 3 paıyzy ǵana jumyspen qamtylǵan - A. Samaqova
ASTANA. Mamyrdyń 25-i. QazAqparat /Qanat Mámetqazyuly/ - Qazirgi tańda eńbekke qabiletti múgedekterdiń tek 3 paıyzy ǵana jumyspen qamtylǵan. Bul týraly búgin «Demografııalyq ózgerister turǵysyndaǵy otbasy saıasatynyń negizgi tujyrymdary men halyqaralyq úrdister» taqyrybynda dóńgelek ústel barysynda Májilis depýtaty Aıtkúl Samaqova málim etti,
dep habarlaıdy QazAqparat.
«Depýtattar tarapynan elimizdegi múgedekterdiń quqyn qorǵaý máselesi udaıy kóterilip keledi. Osy sanatqa jatatyn azamattardyń basyndaǵy eń úlken problema - jumysqa ornalasý, búgingi kúni eńbekke qabiletti jastaǵy múgedekterdiń tek 3 paıyzy ǵana jumyspen qamtylǵan», dedi A. Samaqova. Onyń aıtýynsha, múgedekterdiń problemasy múmkindigi shekteýli adamdardyń quqyǵyn qamtamasyz etý jáne olardyń ómirin jaqsartýǵa baǵyttalǵan Ulttyq is-qımyl jospary aıasynda sheshimin tabatyn bolady. Bul rette Úkimet tarapynan osy maqsattaǵy arnaıy jumys toby da qurylǵan.
Budan bólek, depýtattyń sózine qaraǵanda, elimizde 1,2 mln.-ǵa jýyq adam estý qabiletiniń túrli deńgeıdegi buzylýyna shaldyqqan. Olardyń basym bóligin balalar qurap otyr. «Bul bizdiń elimiz úshin asa úlken kórsetkish», dedi depýtat
