Eńbekke qabiletti qazaqstandyqtardyń 95 paıyzy jumyspen qamtylǵan - T. Dúısenova

ASTANA. QazAqparat - Búgin Ortalyq kommýnıkatsııalar qyzmetinde ótken brıfıngte QR Eńbek jáne halyqty áleýmettik qorǵaý mınıstri Tamara Dúısenova Memleket basshysynyń Joldaýyn iske asyrý aıasynda áleýmettik-eńbek salasyn damytýdaǵy negizgi mindetteri týraly habarlama jasady.

Mınıstrdiń aıtýynsha, ótken jyly halyqty jumyspen qamtý deńgeıi artqany baıqaldy. Búgingi tańda 95 paıyz eńbek etýge qabiletti qazaqstandyq azamattyń jumysy bar. «Jumyspen qamtý 2020 jol kartasy» baǵdarlamasy aıasynda 250 myńnan astam adam jumysqa ornalassa, Ekonomıkalyq qyzmettiń túrleri boıynsha ortasha aılyq jalaqy 108,640 teńgeni quraǵan.

«Búgingi tańda 4 mln-ǵa jýyq adam túrli áleýmettik tólem túrlerin alady. Eki júz myńdaı otbasy 4 jáne odan kóp bala tárbıelep otyr. 90 myńnan astam adamǵa tegin arnaýly áleýmettik kómek kórsetiledi»,- dedi Tamara Dúısenova.