Eńbek jaraqatynan múgedek bolǵan adamdardy memleket esebinen ońaltý tártibi retteledi
Bul týraly Parlament Májilisiniń jalpy otyrysynda azamattardyń jekelegen sanattaryn áleýmettik qorǵaý máseleleri boıynsha zań jobasyn talqylaý kezinde QR Eńbek jáne halyqty áleýmettik qorǵaý mınıstri Serik Shápkenov málim etti, dep habarlaıdy QazAqparat tilshisi.
Mınıstrdiń aıtýynsha, jumys berýshiniń óz mindettemelerin oryndaý múmkin bolmaǵan jaǵdaıda, eńbek jaraqatynan múgedek bolǵan adamdardy memleket esebinen ońaltýdyń tehnıkalyq quraldarmen (OTQ) jáne qyzmetterimen qamtamasyz etý zań jobasynyń taǵy bir jańashyldyǵy bolyp otyr.
«Qazirgi ýaqytta jumys berýshi, ıaǵnı jeke kásipkerdiń qyzmeti toqtatylǵan nemese zańdy tulǵa taratylǵan jaǵdaıda bul mindettemeler memleketke ótedi. Bul rette kásiporyn qyzmeti toqtap turǵan kezeńde nemese bankrottyq rásimderin júrgizý kezinde múmkindigi shekteýli jandar ońaltýdyń tehnıkalyq quraldaryn alý múmkindiginen aıyrylǵan. Kóbinese bankrot jumystary 1,5 jylǵa deıin sozylýy múmkin. Atalǵan merzimde óndiriste múgedektik alǵan adam ońaltýdyń tehnıkalyq quraldarynsyz qalady. Bul shara 2 myńǵa jýyq adamdy ońaltýdyń tehnıkalyq quraldarymen jáne qyzmetterimen ýaqtyly qamtýǵa múmkindik beredi», - dedi S. Shápkenov.
Budan buryn habarlanǵandaı, Qujatta múgedektigi bar balany tárbıelep otyrǵan otbasylarǵa bala kámelettik jasqa tolǵannan keıin de turǵyn úı kezeginde turý quqyǵyn saqtaý kózdeledi.
I toptaǵy múgedektigi bar adamdarǵa kútim kórsetýshilerge jańa járdemaqy túri engiziledi.