Eńbek jáne halyqty áleýmettik qorǵaý mınıstrliginiń qyzmetkerleri BQO-daǵy sý tasqynynan zardap shekkenderge kómek retinde bir kúndik jalaqylaryn aýdardy
ASTANA. 22 sáýir. QazAqparat - Eńbek jáne halyqty áleýmettik qorǵaý mınıstrligi jáne oǵan baǵynyshty uıymdardyń qyzmetkerleri Batys Qazaqstan oblysyndaǵy sý tasqynynan zardap shekkenderge kómek retinde bir kúndik jalaqylaryn aýdardy,
dep habarlady atalǵan vedomstvonyń baspasóz qyzmetinen.
«Batys Qazaqstanda bolǵan kóktemgi sý tasqyny birqatar avtokólik joldaryn shaıyp, BQO-nyń Shyńǵyrlaý, Tasqala, Zelenov, Terekti aýdandarynyń 22 eldi mekenin jáne Oral qalasy mańyn sý basyp qalǵany jáne tasqyn sýdan 6 myńnan astam adam zardap shekkeni belgili. Oryn alǵan tótenshe jaǵdaıdy eskere otyryp, materıaldyq kómek kórsetý maqsatynda QR Eńbek jáne halyqty áleýmettik qorǵaý mınıstrligi jáne oǵan baǵynyshty uıymdardyń qyzmetkerleri Batys Qazaqstan oblysyndaǵy sý tasqynynan zardap shekkenderge kómek retinde bir kúndik jalaqylaryn aýdardy», - delingen baspasóz habarlamasynda.
