Eńbek jáne halyqty áleýmettik qorǵaý mınıstrliginde jańa kadrlyq taǵaıyndaýlar boldy
Jaqypova Svetlana Qabykenqyzy 1968 jyly Qaraǵandy qalasynda týdy. 2001 - 2008 jyldary «Zeınetaqy tóleý jónindegi memlekettik ortalyq» RMKQ Aqmola oblystyq fılıalynyń dırektory; 2008 - 2011 jyldary Qazaqstan Respýblıkasy Eńbek jáne halyqty áleýmettik qorǵaý mınıstrligi Áleýmettik qamsyzdandyrý jáne áleýmettik saqtandyrý departamenti dırektorynyń mindetin atqarýshy, dırektory; 2011 - 2013 jyldary - «Ulttyq aqparattyq tehnologııalar» AQ Jobalaý ofısi baǵdarlamalar basshysy bolyp qyzmet atqardy. 2013 jylǵy 19 tamyzdan bastap - Qazaqstan Respýblıkasy Eńbek jáne halyqty áleýmettik qorǵaý vıtse-mınıstri.
2013 jyldyń 19 tamyzyndaǵy QR Eńbek jáne halyqty áleýmettik qorǵaý mınıstriniń buıryǵymen Bısaqaev Serikqalı Ǵumaruly «QR Eńbek jáne halyqty áleýmettik qorǵaý mınıstrliginiń Eńbekti qorǵaý jónindegi respýblıkalyq ǵylymı-zertteý ınstıtýty» RMKK dırektory bolyp taǵaıyndaldy.
Bısaqaev Serikqalı Ǵumaruly 1951 jyly týǵan, qazaq, Batys Qazaqstan oblysy Fýrmanov Qyzyl partızan aýylynyń týmasy. Bilimi joǵary.
1972 jyly V.I. Lenın atyndaǵy Qazaq polıtehnıkalyq ınstıtýtyn «Tústi metaldar tehnologııasy» mamandyǵy boıynsha támamdady, 1996-1997 jyldary Parıj ulttyq joǵary mektebin (Frantsııa) «Eńbek qaýipsizdigin saqtaýda baqylaýdy uıymdastyrý» mamandyǵy boıynsha oqyp, halyqaralyq deńgeıdegi dıplomǵa ıe boldy.
2008 jyldyń mamyr aıynan bastap QR Eńbek jáne halyqty áleýmettik qorǵaý mınıstrliginiń Baqylaý jáne áleýmettik qorǵaý komıteti tóraǵasynyń orynbasary - QR Bas memlekettik ınspektory.
2009 jyldyń 17 sáýirinen Baqylaý jáne áleýmettik qorǵaý komıteti tóraǵasy - QR Bas memlekettik ınspektory.
Sonymen birge QR Eńbek jáne halyqty áleýmettik qorǵaý mınıstriniń 2013 jylǵy 19 tamyz kúngi Buıryǵy boıynsha Baqylaý jáne áleýmettik qorǵaý komıteti tóraǵasy bolyp Sarbasov Aqmadı Ádiluly, Kóshi-qon komıtetiniń tóraǵasy qyzmetine Amanbaev Salamat Ermuhanuly taǵaıyndaldy.