Eńbek jáne halyqty áleýmettik qorǵaý vıtse-mınıstri taǵaıyndaldy
ASTANA.KAZINFORM — Qazaqstan Respýblıkasy Úkimetiniń qaýlysymen Eldar Kúzenbaev eńbek jáne halyqty áleýmettik qorǵaý vıtse-mınıstri qyzmetine taǵaıyndaldy. Bul týraly Úkimettiń baspasóz qyzmeti habarlaıdy.
1982 jyly Qostanaı oblysynda dúnıege kelgen. A.Baıtursynov atyndaǵy Qostanaı memlekettik ýnıversıtetin jáne M.Dýlatov atyndaǵy Qostanaı ınjenerlik-ekonomıkalyq ýnıversıtetin bitirgen.
Eńbek jolyn 2002 jyly Qostanaı oblysy Sottar ákimshisiniń uıymdastyrý-taldaý bóliminiń jetekshi mamany bolyp bastady.
2003–2006 jyldary — Qostanaı oblysy Sottar ákimshisiniń bas mamany, atqarýshylyq is júrgizýdi uıymdastyrý bóliminiń bastyǵy, aǵa sot oryndaýshysy.
2006–2008 jyldary — Qostanaı oblysy Ádilet departamenti Qarabalyq aýdandyq ádilet basqarmasynyń bastyǵy.
2008–2010 jyldary – Qostanaı oblysy Qostanaı aýdandyq ádilet basqarmasynyń bastyǵy.
2010–2013 jyldary — Qostanaı oblysy Uzynkól aýdany ákiminiń orynbasary.
2013–2018 jyldary — Qostanaı oblysy Sarykól aýdanynyń ákimi.
2018–2019 jyldary — Qostanaı oblysy Arqalyq qalasynyń ákimi.
2019–2021 jyldary — Nur Otan partııasy Qostanaı oblystyq fılıaly tóraǵasynyń birinshi orynbasary.
2021–2022 jyldary — Qostanaı oblysy ákimi apparatynyń basshysy.
2022–2026 jyldary — Qazaqstan Respýblıkasy Prezıdenti Ákimshiliginiń memlekettik ınspektory.
2026 jylǵy naýryzdan bastap qazirgi ýaqytqa deıin QR Eńbek jáne halyqty áleýmettik qorǵaý mınıstrligi Kóshi-qon komıtetiniń tóraǵasy qyzmetin atqardy.
Aıta ketelik keshe Ónerkásip jáne qurylys vıtse-mınıstri taǵaıyndalǵan edi.
