Eńbek jáne halyqty áleýmettik qorǵaý mınıstrliginiń qyzmeti men ókilettigi keńeıtildi

Engizilgen ózgeristerge sáıkes, mınıstrlikke birqatar jańa fýnktsııa men ókilettikter berildi. Atap aıtqanda, endi mınıstrlik mobılızatsııa jáne oǵan daıarlyqqa jaýapty bolady. Sondaı-aq, mobılızatsııa organdary qyzmetkerlerine júktelgen mindetterdi oryndaý úshin qajetti jaǵdaılar jasaý ókilettigi júkteldi.

Budan bólek, mınıstrliktiń mynadaı ókilettikteri bar:

• halyqtyń júrip-turýy shekteýli toptarynyń qurylys obektilerine qoljetimdiligi qamtamasyz etilgenin rastaý;
• mınıstrliktiń azamattyq qorǵanys josparyn ázirleý jáne bekitý;
• normatıvterdi, normatıvtik-tehnıkalyq qujattar men qaǵıdalardy ázirleý, bekitý jáne (nemese) kelisý, tabıǵı jáne tehnogendik sıpattaǵy tótenshe jaǵdaılardyń memlekettik salalyq esebin júrgizý jáne bul derekterdi azamattyq qorǵaý salasyndaǵy ýákiletti organǵa usyný;
• óz quzyreti sheginde standarttaý jónindegi qujattar jobalaryn qaraý, sondaı-aq ulttyq jáne memleketaralyq standarttardy, tehnıkalyq-ekonomıkalyq aqparattyń ulttyq klassıfıkatorlaryn jáne standarttaý jónindegi usynymdardy ázirleý, ózgertý, qaıta qaraý jáne kúshin joıý boıynsha usynystar daıyndaý jáne olardy standarttaý salasyndaǵy ýákiletti organǵa engizý;
• mınıstrlikke qarasty tótenshe jaǵdaılardy baqylaý, jaǵdaıdy baqylaý jáne boljaý qyzmetterine jetekshilik etý;
• azamattyq qorǵanys salasynda ǵylymı zertteýler júrgizýdi, bilimdi nasıhattaýdy, halyq pen mamandardy oqytýdy uıymdastyrý;
• Qazaqstan Respýblıkasynyń azamattyq qorǵanys salasyndaǵy normatıvtik quqyqtyq aktileriniń oryndalýyn qamtamasyz etý;
• mobılızatsııa rezerviniń materıaldyq qundylyqtaryn qalyptastyrý jáne saqtaý boıynsha shyǵyndardyń kólemi men qurylymy jóninde Úkimetke usynystar engizý;
• vedomstvoǵa qarasty uıymdarda órttiń aldyn alý jónindegi is-sharalar júrgizý;
• azamattyq qorǵanystyń salalyq kishi júıelerine jetekshilik etý;
• vedomstvoǵa qarasty uıymdarda azamattyq qorǵanys múlkiniń qorlaryn qurý, olardy saqtaý, jańartý jáne qoldanýǵa daıyn kúıde ustaýǵa ishki baqylaý júrgizý;
• azamattyq qorǵanys salasyndaǵy ýákiletti organmen kelisý arqyly jahandyq jáne óńirlik aýqymdaǵy tótenshe jaǵdaılardy joıý jónindegi is-qımyl josparlaryn ázirleý jáne bekitý;
• qosalqy (qalalyq) jáne kómekshi basqarý pýnktileriniń qurylýyn qamtamasyz etý;
• áskerı-ekonomıkalyq jáne komandalyq-shtabtyq oqý-jattyǵýlardy ótkizýge qatysý;
• mobılızatsııa, soǵys jaǵdaıy jáne soǵys ýaqytynda Qazaqstan Respýblıkasynyń Qarýly Kúshteri, basqa da áskerleri men áskerı quralymdarynyń, arnaýly memlekettik organdarynyń múddesi úshin, sondaı-aq ekonomıkanyń úzdiksiz jumys isteýi men halyqtyń tynys-tirshiligin qamtamasyz etý úshin áleýmettik-eńbek salasynda arnaıy quralymdardyń qyzmetin uıymdastyrý jáne qamtamasyz etý;
• memlekettik mekemeler men kvazımemlekettik sektor sýbektileriniń Qazaqstan Respýblıkasynyń eńbek zańnamasyn tsıfrlyq kadrlyq júıede saqtaýyna monıtorıng júrgizý (2026 jylǵy 13 tamyzdan bastap);
• arnaýly áleýmettik qyzmetter kórsetetin uıymdar jelisiniń normatıvin ázirleý jáne bekitý (2026 jyldyń 13 tamyzynan bastap).

2027 jyldyń 1 qańtarynan bastap mınıstrliktiń fýnktsııalary taǵy da keńeıedi. Atap aıtqanda:

• mobılızatsııa daıarlyǵy salasyndaǵy ýákiletti organmen kelisý boıynsha áleýmettik-eńbek salasyndaǵy jumyldyrý tapsyrysyn oryndaý úshin qajetti taýarlardyń tizbesin aıqyndaý jáne kólemin esepteý ádistemesin ázirleý jáne bekitý;
• mobılızatsııa tapsyrysy bar uıymdardyń qajettilikterin taldaý jáne osynyń negizinde memlekettik materıaldyq rezervtiń jumyldyrý rezervi bóligindegi materıaldyq qúndylyqtardyń nomenklatýrasy men saqtaý kólemderin qalyptastyrý;
• memlekettik materıaldyq rezerv salasyndaǵy ýákiletti organǵa mobılızatsııa rezervine qatysty materıaldyq qundylyqtardyń nomenklatýrasy men saqtaý kólemderi boıynsha usynystar engizý;
• memlekettik materıaldyq rezerv salasyndaǵy ýákiletti organmen kelisý boıynsha gýmanıtarlyq kómek kórsetý úshin memlekettik rezervtiń materıaldyq qundylyqtaryn rezervten shyǵarý týraly Úkimetke usynystar engizý;
• memlekettik materıaldyq rezerv jáne mobılızatsııa daıarlyǵy salasyndaǵy ýákiletti organdarmen kelisý arqyly mobılızatsııa rezerviniń materıaldyq qundylyqtaryn qaryzǵa berý tártibimen shyǵarý týraly sheshimder qabyldaý;
• nomenklatýra ózgergen kezde memlekettik rezervtiń materıaldyq qundylyqtarynyń nomenklatýrasy men saqtaý kólemderi jáne olardy rezervten shyǵarý máseleleri boıynsha ýákiletti organǵa usynystar engizý;
• memlekettik rezervtiń materıaldyq qundylyqtaryn saqtaý nomenklatýrasy men kólemderine sáıkes mobılızatsııa rezervine materıaldyq qundylyqtardy jetkizýge tapsyrystar ornalastyrý;
• mobılızatsııa rezerviniń materıaldyq qundylyqtaryn jańartý tártibimen shyǵarý týraly sheshimder qabyldaý;
• memlekettik múlikti basqarý jónindegi ýákiletti organnyń sheshimi boıynsha, memlekettik organdar – alýshylarmen jáne memlekettik materıaldyq rezerv salasyndaǵy ýákiletti organmen kelisý arqyly jańartylatyn mobılızatsııa rezerviniń materıaldyq qundylyqtaryn jáne nomenklatýra ózgergen kezde rezervten shyǵarylǵan materıaldyq qundylyqtardy basqa memlekettik organdardyń balansyna óteýsiz berý;
• memlekettik materıaldyq rezerv salasyndaǵy ýákiletti organmen kelisý arqyly mobılızatsııa rezerviniń materıaldyq qundylyqtaryn aýystyrý týraly sheshimder qabyldaý;
• mobılızatsııa rezerviniń materıaldyq qundylyqtaryn saqtaý jáne jańartýdy uıymdastyrý;
• tótenshe jaǵdaılardyń aldyn alý jónindegi talaptardy oryndaý.

Qaýly 2026 jyldyń 10 tamyzynan bastap kúshine endi. Sonymen qatar, 2027 jyldyń 1 qańtarynan bastap engiziletin normalar da bar.

Aıta keteıik, buǵan deıin Eńbek mınıstrligi zeınetaqy jınaqtaryna memlekettik kepildikke qatysty túsinikteme berip, zeınetaqy aktıvterin basqarý júıesi burynǵydaı kópdeńgeıli memlekettik baqylaýda bolatynyn málimdedi.

Sonymen birge, Eńbek mınıstrligi komada jatqan naýqastar úshin múgedektikti rásimdeý tártibin jeńildetti.

Eske salaıyq, buǵan deıin Eńbek mınıstrligi halyqty jumyspen qamtýda JI paıdalanatynyn jazǵanbyz.