Eńbek jáne áleýmettik qorǵaý komıteti SQO-daǵy jazataıym oqıǵany tergeý úshin komıssııa qurdy

ASTANA. QazAqparat - Eńbek jáne áleýmettik qorǵaý komıteti Soltústik Qazaqstan oblysyndaǵy adam shyǵyny oryn alǵan jazataıym oqıǵany tergeý úshin oblystyń memlekettik eńbek ınspektorynyń basshylyǵymen arnaıy komıssııa qurdy, dep habarlaıdy QR Eńbek jáne halyqty áleýmettik qorǵaý mınıstrliginiń baspasóz qyzmeti.

Jazataıym oqıǵa 2023 jyldyń 1 tamyzynda «EMC Agro» JShS-de boldy.

Kásiporyn basshylyǵy jumys aýysymy aıaqtalǵannan keıin tórt qyzmetker shoshqa kesheniniń aýmaǵynan shyqpaǵanyn anyqtady. Olardy izdeý barysynda shoshqa kesheni óndirisiniń qaldyqtaryn jınaýǵa jáne aıdaýǵa arnalǵan káriz qudyǵynan 4 qyzmetkerdiń máıiti tabyldy.

Oqıǵanyń mán-jaıy men sebepteri tergeý barysynda anyqtalyp, qosymsha habarlanatyn bolady.