Eńbek zańnamasyn buzǵandarǵa salynatyn aıyppul mólsheri óse túsedi - Eńbek mınıstrligi
Búgin QR Parlamenti Májilisiniń jalpy otyrysynda «Otbasylyq mindettemeleri bar er jáne áıel eńbekshilerge teń qaraý jáne teń múmkindikter berý týraly 156-konventsııany ratıfıkatsııalaý týraly» zań jobasyn talqylaý barysynda Eńbek jáne halyqty áleýmettik qorǵaý vıtse-mınıstri Birjan Nurymbetov osylaı málim etti.
Depýtattar saýalyna jaýap bere kele, vıtse-mınıstr qoldanystaǵy zańnamada eńbek zańdylyǵyna qatysty jumys berýshi laýazymdy qymetkerdiń jaýapkershiligi qarastyrylǵanyn, alaıda onyń olqylyǵyn málim etti. «Atap aıtqanda, aǵymdaǵy jyldyń birinshi jarty jyldyǵynda bizdiń eńbek ınspektsııalarynyń tekserýleri nátıjesinde 29 myńnan astam zań buzýshylyqtar oryn alǵany anyqtaldy. Bulardyń oryn alý sebebine baılanysty biz 7 myń 800 uıǵarymdar berip, 245 mln. teńgege aıyppul saldyq. Alaıda, bul baǵytta áli de týyndap otyrǵan saýaldar barshylyq», - deıdi B. Nurymbetov.
Onyń aıtýynsha, qoldanystaǵy zańnamada tek eńbek zańdylyǵyna qatysty ǵana jaýapkershilik qarastyrylyp otyr. ıAǵnı, ondaǵy normalar aıqyndalyp, naqtylanbaǵan. «Ókinishke qaraı, aıyppul mólsheri de salmaqty emes. Іri kásiporyndardyń ózinde 5 aılyq eseptik kórsetkishten 50 aılyq eseptik kórsetkish arasynda ǵana. Sondyqtan da, Prezıdent tapsyrmasyna sáıkes, biz jumys tobyn quryp, Ákimshilik kodekske ózgeris engizýdi usynatyn bolamyz. Onyń ishinde eńbek zańnamasynyń buzylýyna qatysty jaýapkershilikter naqtylanady. Atap aıtqanda, eńbek quqyǵyna zalal keltiretin baptardy jeke-jeke bólip kórsetip, ondaǵy aıyppuldar mólsheri aıqyndalyp qana qoımaı, olardyń mólsherin arttyrý da kózdeledi», - deıdi vıtse-mınıstr.
