Eńbek mınıstri eń tómengi aılyq 150 myń teńge bolatyny týraly málimdemege túsinik berdi
ASTANA. KAZINFORM – Eńbek jáne halyqty áleýmettik qorǵaý mınıstri Asqarbek Ertaev Ulttyq ekonomıka mınıstrligindegi áriptesi Azamat Ámrınniń 150 myń teńgelik tómengi aılyq týraly málimdemesine túsinik berdi.
- Jaqynda Ulttyq ekonomıka mınıstriniń orynbasary Azamat Ámrın «bizdiń maqsatymyz – eń tómengi jalaqyny 150 myń teńgege deıin kóterýge tyrysý» dep aıtty. Biraq men bul jerde mynany túsindirip óteıin: jalpy qazirgi 85 myń teńgeden kóterý jaǵyn Úkimet, Ulttyq bank, Qarjy naryǵyn retteý jáne damytý agenttigi birlesip naqty josparda belgilep qoıdyq. Onyń merzimi bar. Qazir talqylaý júrip jatyr. Talqylaýdan keıin ortaq sheshimge kelýimiz kerek. Bizdiń ózimizdiń esepterimiz daıyn. Talqylaý, pysyqtaý kezinde óz usynystarymyzdy beremiz, - dedi ol.
Vıtse-mınıstr jalpy jospar bar ekenin jetkizdi.
- Biraq qanshaǵa kóteriletinin naqty aıta almaımyn. Sebebi pysyqtap, talqylaý kerek, - dedi Asqarbek Ertaev.
Eske salsaq, Ulttyq ekonomıka mınıstriniń birinshi orynbasary Azamat Ámrın Úkimettiń aldynda eń tómengi jalaqyny 150 myń teńgege deıin kóterý mindeti turǵanyn aıtqan bolatyn.
