Eńbek tóreligi týraly úlgilik ereje bekitildi
Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy №1018
2015 jylǵy 25 jeltoqsan, Astana qalasy
Eńbek tóreligi týraly úlgilik erejeni bekitý týraly
Qazaqstan Respýblıkasynyń 2015 jylǵy 23 qarashadaǵy Eńbek kodeksiniń 16-babynyń 21) tarmaqshasyna sáıkes buıyramyn:
1. Qosa berilip otyrǵan Eńbek tóreligi týraly úlgilik ereje bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Eńbek jáne áleýmettik áriptestik departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıtse-mınıstri B.B.Nurymbetovqa júktelsin.
4. Osy buıryq 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 25 jeltoqsandaǵy №1018 buıryǵymen bekitilgen
Eńbek tóreligi týraly úlgilik ereje
1. Jalpy erejeler
1. Eńbek tóreligi ýaqytsha jumys isteıtin tatýlastyrý komıssııasynda kelisimge kelmegen kezde eńbek daýyn sheshý úshin ýákiletti adamdardy tarta otyryp ujymdyq eńbek daýynyń taraptary quratyn organ.
2. Eńbek tóreligi óz qyzmetinde Qazaqstan Respýblıkasynyń Konstıtýtsııasyn, Qazaqstan Respýblıkasy Prezıdentiniń aktilerin, Qazaqstan Respýblıkasynyń Eńbek kodeksin, Qazaqstan Respýblıkasynyń zańdaryn jáne ózge de normatıvtik quqyqtyq aktilerin basshylyqqa alady.
2. Eńbek tóreliginiń mindetteri men fýnktsııalary
3. Eńbek tóreliginiń mindetteri:
ujymdyq eńbek daýyn sotqa deıin retteý;
ujymdyq eńbek daýyn qaraý kezinde qyzmetkerler jáne jumys berýshilerdiń eńbek quqyqtarynyń jáne zańdy múddeleriniń qorǵalýyn qamtamasyz etý bolyp tabylady.
4. Eńbek tóreligi ózine júktelgen negizgi mindetterge sáıkes mynadaı fýnktsııalardy oryndaıdy:
eger onyń aldynda ujymdyq eńbek daýy tatýlastyrý komıssııasynda rettelmegen bolsa, ujymdyq eńbek daýyn onyń máni boıynsha qaraıdy;
memlekettik organdarmen ózara is-qımyl jasaıdy;
ujymdyq eńbek daýynyń taraptaryna ujymdyq eńbek daýynyń týyndaý sebepteri men jaǵdaılaryn joıý jóninde usynystar engizedi;
óz quzyreti sheginde qaralatyn ujymdyq eńbek daýy boıynsha taraptar úshin mindetti sheshimder qabyldaıdy.
3. Eńbek tóreligin qurý tártibi
5. Eńbek tóreligin ujymdyq eńbek daýynyń taraptary tatýlastyrý komıssııasynyń jumysy toqtatylǵan kúnnen bastap bes jumys kúni ishinde qurady.
6. Eńbek tóreligi músheleriniń sany, onyń derbes quramy, eńbek daýyn qaraý tártibi tepe-teńdik negizde taraptardyń kelisimimen aıqyndalady.
Eńbek tóreligi keminde bes adamnan turady.
Eńbek tóreliginiń quramyna memlekettik eńbek ınspektory, Ujymdyq eńbek daýlarynyń aldyn alý jáne olardy sheshý úshin eńbek tóreligi jónindegi keńestiń ókili, al qajet bolǵan kezde mamandar, sarapshylar qosylady.
Qyzmetkerlerdiń Qazaqstan Respýblıkasynyń eńbek zańnamasyn qoldaný máseleleri boıynsha talaptaryn qaraý kezinde tatýlastyrý komıssııasynyń músheleri eńbek tóreliginiń quramyna kirmeıdi.
7. Eńbek tóreligin tórelik músheleriniń qatarynan saılaǵan tóraǵa basqarady.
8. Eńbek tóreligi týraly ereje ujymdyq eńbek daýy taraptarynyń kelisimimen bekitiledi.
4. Ujymdyq eńbek daýyn qaraý rásimi
9. Ujymdyq eńbek daýyn qaraý rásimin (nysan, sheshimniń mazmuny, ujymdyq eńbek daýyn qaraýdy toqtata turý múmkindigi, ujymdyq eńbek daýynyń taraptaryna jáne áleýmettik áriptestik organdaryna sheshimdi tapsyrý, otyrystardy shaqyrýdy jáne ótkizýdi uıymdastyrý) eńbek tóreligi aıqyndaıdy jáne ol ujymdyq eńbek daýy taraptarynyń nazaryna jetkiziledi.
10. Ujymdyq eńbek daýyn eńbek tóreligi ujymdyq eńbek daýy taraptary ókilderiniń mindetti túrde qatysýymen, al qajet bolǵanda basqa da múddeli adamdar ókilderiniń qatysýymen qaraıdy.
11. Eńbek tóreligi óz quzyreti sheginde:
ujymdyq eńbek daýy taraptarynan osy daýdy qaraýǵa qajetti aqparatty alady;
eńbek tóreligi protsesine qatysý úshin laýazymdy adamdardy jáne uıymdardyń basqa da qyzmetkerlerin, al qajet bolǵan jaǵdaıda sarapshylardy jáne konsýltanttardy shaqyrady;
ujymdyq sharttarda, kelisimderde qamtylǵan normalarǵa quqyqtyq baǵa beredi.
12. Eńbek tóreliginiń sheshimi ol qurylǵan kúnnen bastap jeti jumys kúnnen keshiktirilmeı tórelik músheleriniń qarapaıym kópshilik daýysymen qabyldanady.
Eńbek tóreliginiń bir nemese birneshe múshesi dáleldi sebeptermen bolmaǵan kezde daýys berý quqyǵyn berýge, sol sııaqty basqa adamdar úshin ujymdyq eńbek daýy taraptary aktileriniń negizinde daýys berýge jol beriledi.
Eńbek tóreligi músheleriniń daýystary teń bólingen kezde tóraǵanyń daýysy sheshýshi bolyp tabylady. Dáleldi sheshim jazbasha nysanda jazylady jáne oǵan tórelik músheleriniń barlyǵy qol qoıady.
13. Eńbek tóreliginiń sheshimi ujymdyq eńbek daýy taraptarynyń oryndaýy úshin mindetti bolyp tabylady.
Buıryq Qazaqstan Respýblıkasynyń Ádilet mınıstrliginde 2015 jylǵy 29 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №12634 bolyp engizildi.