«Eńbek» RMK Aqtóbe fılıalynyń laýazymdy qyzmetkeri para aldy degen kúdikke ilindi

AQTÓBE. QazAqparat - QR ІІM QAJK «Eńbek» RMK «Eńbek-Aqtóbe» fılıaly dırektorynyń mindetin atqarýshy sybaılas jemqorlyq jasady degen kúdikke ilindi. Bul jóninde Sybaılas jemqorlyqqa qarsy qyzmetke silteme jasap QazAqparat habarlaıdy. 

Sybaılas jemqorlyqqa qarsy qyzmet Aqtóbe oblysy boıynsha QAJKD jeke qaýipsizdik qyzmetimen birlesip, QR ІІM QAJK «Eńbek» ShJQ RMK «Eńbek-Aqtóbe» fılıaly dırektorynyń mindetin atqarýshyǵa qatysty tergeýdi bastady.

«Ol Muǵaljar aýdanynyń Qandyaǵash qalasyndaǵy saıabaqty abattandyrýǵa bıýdjet qarajatyn aýdarý kezinde jalpy qamqorlyǵy úshin jeke kásipkerdiń ókilinen 700 myń teńge somasynda qarajat alǵany úshin kúdikti boldy. Kúdiktiniń jáne onyń qorǵaýshysynyń mindetteme berýine jáne kinásin moıyndaýyna baılanysty ol qamalǵan joq» delingen habarlamada.

Sotqa deıingi tergeý jalǵasýda.

Kúdiktiniń kinásine qatysty túpkilikti sheshimdi sot shyǵarady.