«Eńbek» respýblıkalyq memlekettik kásiporny prokýratýra aralasqannan keıin ǵana jalaqy berýge májbúr boldy
ASTANA. Tamyzdyń 23-i. QazAqparat /Aıdar Ospanalıev/ - Astana qalasynyń mamandandyrylǵan prokýratýrasy «Eńbek» respýblıkalyq memlekettik kásipornyna tekserý júrgizip, atalmysh mekemeniń fılıaldarynda kóptegen zańbuzýshylyqtar anyqtady.
Astana qalasy túzeý mekemelerindegi zańdylyqty qadaǵalaý jónindegi
arnaıy prokýror Jasulan Baltabekovtyń málimetterine qaraǵanda, kásiporynda sottalǵandardyń konstıtýtsııalyq quqyqtary óreskel buzylǵan. Zańbuzýshylyqtar birinshi kezekte sottalǵandarǵa jalaqyny ýaqytynda bermeý, zeınetaqy tólemderin ýaqytynda tólemeý sııaqty árekettermen baılanysty bolyp otyr. «Osyǵan baılanysty biz atalmysh áreketter boıynsha tıisti sharalar qoldanyp, iske prokýratýra organdary aralasqanynan keıin ǵana «Eńbek» RMK fılıaldary ózderiniń bereshekterin tóleýge májbúr boldy», deıdi J. Baltabekov.
