Eńbek naryǵyndaǵy belsendi sharalardy iske asyrý jumyssyzdyq aýqymyn qysqartýǵa jol ashty
ASTANA. Shildeniń 27-si. QazAqparat /Marlan Jıembaı/ - Eńbek naryǵyndaǵy belsendi sharalardy iske asyrý jumyssyzdyq aýqymyn qysqartýǵa jol ashty. Bul týraly búgin jartyjyldyqtyń qorytyndysyna arnalǵan Úkimet otyrysynda Eńbek jáne halyqty áleýmettik qorǵaý mınıstri Gúlshara Ábdiqalyqova aıtty.
Mınıstrdiń keltirgen derekterine qaraǵanda, aǵymdaǵy jyldyń basynda jumyssyzdar sany 524 myń adam, jumyssyzdyq deńgeıi 6,3 paıyz bolsa, jyldyń ekinshi toqsanynda jumyssyzdardyń sany 504 myń adamǵa deıin, jumyssyzdyq deńgeıi 5,8 paıyzǵa deıin qysqartylǵan.
«Jumyssyzdyqty tómendetý tıisinshe ekonomıkamen aınalysatyndardyń qatarynyń ósýimen sıpattalady. Ótken jyldyń osy kezeńimen salystyrǵanda aǵymdaǵy jyldyń ekinshi toqsanynda jumyspen qamtylǵan halyqtyń sany 213 myń adamǵa kóbeıip, 8,1 mıllıon adamdy qurady», - dedi G.Ábdiqalyqova.
Mınıstrdiń sózine qaraǵanda, jyl basynan beri jumyspen qamtý organdaryna jumysqa ornalasýǵa 260 myń adam ótinish bildirse, onyń ishinde tórtten úsh bóligi, ıaǵnı 196 myńy jumysqa ornalastyrylǵan.
