Eńbek naryǵynda medbıke, elektromonter mamandyqtaryna suranys joǵary
«EEB málimetteri boıynsha naýryz aıynda jumys kúshine suranys pen usynystyń teńgerimsizdigi baıqaldy. Máselen, eger jalpy naryqta biliktiligi ortasha mamandarǵa suranys basym bolsa (54%), onda osy sanattaǵy usynys bar bolǵany 38%-dy qurady. Bul rette biliktiligi tómen mamandar úshin keri jaǵdaı qalyptasyp otyr - suranys 21% bolǵan kezde usynys shamamen 35%-dy qurady. Joǵary bilikti kadrlar úshin túıindemeler men bos jumys oryndarynyń sany teń úlesti quraıdy: tıisinshe 26% jáne 25%», – dedi «Eńbek resýrstaryn damytý ortalyǵy» AQ basqarýshy dırektory Aleksandra Molchanovskaıa.
Jekelegen mamandyqtardy qarastyra otyryp, bıyldyń naýryz aıynyń qorytyndysy boıynsha EEB-da óte tapshy medıtsınalyq medbıkeler men meıirgerlerge, sanıtarlar, tárbıeshiler men olardyń kómekshileri boldy – bul mamandar úshin qamtylmaǵan qajettilik 4,6 myńdy qurady. Sondaı-aq júrgizýshiler (2 myń bos oryn), kúzetshiler (1,6 myń bos oryn), konsýltant-satýshylar (618 bos oryn) jáne elektromonterlar (674 bos oryn) suranysqa ıe boldy.
Biliktiligi tómen qyzmetkerlermen qatar, artyq mamandyqtardyń qataryna zańgerler, kýrerler, qarjygerler, dene shynyqtyrý jáne avtomehanıka muǵalimderi jatady.
«Osylaısha, EEB málimetteri boıynsha elde jaldaý protsesteriniń jandanýy baıqalady. Sonymen qatar, jumysshylar, kerisinshe, jańa jumys ornyn izdegileri kelmeıdi, bul 2022 jyldyń basynan beri jalǵasyp kele jatqan túıindemeler sanynyń azaıýymen rastalady», - dep atalyp ótken vedomstvo habarlamasynda.
Budan buryn habarlanǵandaı, 2022 jylǵy naýryzda Elektrondyq eńbek bırjasynda 72,7 myń bos jumys orny jáne 48,8 myń túıindeme ornalastyryldy. Ótken aımen salystyrǵanda jarııalanǵan bos oryndar sanynyń shamaly ósýi (+0,5%) jáne izdenýshiler tarapynan belsendiliktiń kúrt tómendeýi (-11%) baıqaldy.
