Eńbek naryǵynda qarjygerler men esepshilerge suranys joǵary
ALMATY. QazAqparat – Elimizdegi eń joǵary suranysqa ıe mamandyqtardyń kósh basynda áli de esepshiler men qarjygerler tur, dep habarlaıdy QazAqparat tilshisi energyprom.kz silteme jasap.
2019 jyldyń jeltoqsan aıynda Qazaqstanda ekonomıkalyq belsendi azamattardyń sany 9,19 mıllıondy qurady. Bul aldyńǵy jylmen salystyrǵanda 0,1 paıyzǵa tómen. Olardyń 8,75 mıllıony turaqty jumyspen qamtylǵandar, qalǵan 443,6 myńy – jumyssyz azamattar.
Ótken jyldyń úshinshi toqsanynyń qorytyndysy boıynsha, 6,67 mln adam jaldanyp jumys isteıdi. Al, 2,1 mln adam – ózin ózi eńbekpen qamtyǵandar.
Eńbek naryǵyndaǵy suranysqa ıe mamandyqtardyń tizimin HeadHunter zertteý ortalyǵy ázirlep shyqty. Ortalyqtyń málimetinshe, 2019 jyly bos jumys oryndar sany aldyńǵy jylmen salystyrǵanda 1,68 paıyzǵa artqan. Al, jumys izdeýshiler sany 2,3 mıllıon adamǵa jetken.
Suranysqa ıe mamandyqtar kóshin saýda salasy bastap tur (18,2%). Odan keıin esepshi jáne mekeme qarjysyn basqarý (8,3%). Ákimshilik sala (7,2%), aqparattyq tehnologııalar, ınternet jáne telekom (6,5%), bank, ınvestıtsııa jáne lızıng (6,5%).
Bos jumys oryndaryn usynatyn qalalar kóshin Almaty, Nur-Sultan jáne Qaraǵandy bastap tur.
