Eńbek naryǵynda qaı mamandyqtarǵa suranys joǵary
ASTANA. KAZINFORM - Qazir elimizdiń eńbek naryǵynda qaı mamandyqtarǵa suranys joǵary? Bul suraqqa QR Eńbek jáne halyqty áleýmettik qorǵaý mınıstriligi jaýap berdi.
«Qazirgi kezde Enbek.kz platformasynda (portal) 55 myńǵa jýyq bos jumys orny ornalastyrylǵan. Onyń ishinde eń úlken suranysqa ıe bilim berý salasynda - 8,9 myń adamdy, biliktilikti talap etpeıtin salalarda – 8,4 myń adamdy, óndiris salasynda – 6,8 myń adamdy, medıtsına salasynda – 4,7 myń adamdy qurady. Sondaı-aq jumys kúshine suranys coltústik óńirlerde 9,1 myń adamdy, ortalyq jáne shyǵys óńirlerde – 14,8 myń adamdy, ońtústik óńirlerde – 8,1 myń adamdy, batys óńirlerde – 7,8 myń adamdy jáne megopolıstik qalalarda 13,5 myń adamdy qurap otyr», - delingen mınıstrliktiń Kazinform agenttigine bergen jaýabynda.
Atalǵan portalda 245 myń túıindeme ornalastyrylǵan. Sonyń arasynda coltústik óńirlerden 20,6 myń adamnan, ortalyq jáne shyǵys óńirlerde – 38,7 myń adamnan, ońtústik óńirlerde – 72 myń adamnan, batys óńirlerde – 61,3 myń adamnan, al megopolıstik qalalarda 53 myń adamnan kelip tústi.
«Osy oraıda bos jumys oryndary men túıindemelerdiń sanyna qatysty teńgerimsizdik bar ekeni baıqalyp otyr. Sondyqtan atalǵan portal jumys berýshiler men jumys izdep júrgender arasyndaǵy aqparattyq alań ekenin eskere otyryp, portal arqyly belsendi túrde ózara is-qımyl jasap, tapshylyq nemese jumyssyzdyq máselesin sheshýge tolyq múmkindik bar», - delingen Eńbek mınıstrligi aqparatynda.
Aıta keteıik, buǵan deıin Astanada qandaı mamandyqty tegin meńgerýge bolatynyn jazǵan edik.
