Eńbek mınıstrliginiń qyzmetkerleri bir kúndik jalaqysyn Arys turǵyndaryna jiberedi

NUR-SULTAN. QazAqparat - QR Eńbek jáne halyqty áleýmettik qorǵaý mınıstrliginiń qyzmetkerleri bir kúndik eńbekaqylaryn Arys turǵyndaryna kómekke aýdarady, dep habarlaıdy QazAqparat.

«QR Eńbek jáne halyqty áleýmettik qorǵaý mınıstrliginiń jáne vedomstvoǵa baǵynyshty uıymdar men aýmaqtyq departamentterdiń qyzmetkerleri bir kúndik jalaqysyn Túrkistan oblysy Arys qalasynyń turǵyndaryna kómek úshin aýdarady. Mınıstrlik barlyq kásiporyndar men kompanııalardy, iri jumys berýshiler men apatqa nemquraıly qaramaıtyn qazaqstandyqtardy áskerı bólimdegi oq-dáriler jarylysynan zardap shekken otandastarymyzǵa kómektesýge shaqyrady», - dep jazdy mınıstrliktiń baspasóz hatshysy Qanat Qulshymanov áleýmettik jelide.

«Qıyn jaǵdaıda qalǵan Arys turǵyndaryna kómektesý - bizdiń azamattyq paryzymyz. Biriksek, barlyq qıyndyqty eńserip shyǵamyz», - dep jazdy ol.