07:18, 17 Naýryz 2020 | GMT +6
Eńbek mınıstrliginiń qoǵamdyq qabyldaýy qashyqtan jumys rejimine aýysady
NUR-SULTAN. QazAqparat – Eńbek mınıstrliginiń qoǵamdyq qabyldaýy qashyqtan jumys rejimine aýysady, dep habarlaıdy QazAqparat mınıstrliktiń baspasóz qyzmetine silteme jasap.
«Qazaqstan Respýblıkasynyń aýmaǵynda 2020 jylǵy 16 naýryzdan 15 sáýirge deıin tótenshe jaǵdaıdyń engizilýine baılanysty azamattardyń ómiri men densaýlyǵyn koronovırýstan qorǵaý maqsatynda mınıstrlik Qoǵamdyq qabyldaý bólmesiniń jumysyn jáne azamattardy qabyldaýdy 2020 jyldyń 16 naýryzynan bastap ýaqytsha toqtatynyn habarlaıdy.
Barlyq ótinishter mınıstrliktiń ınternet-resýrsy, áleýmettik jelidegi resmı akkaýnttary, e-gov elektrondyq úkimet portaly jáne Qazaqstan Respýblıkasy Prezıdentiniń vırtýaldy qabyldaý bólmesi arqyly elektrondy túrde qabyldanady», delingen habarlamada.
Sondaı-aq, vedomstvoǵa 8 7172 74 37 23 telefony arqyly habarlasýǵa bolady.
