Eńbek mınıstrligi jumyspen qamtý jáne eńbek naryǵyn retteýdi jetildirýge qatysty tujyrymdama daıyndaýda
ASTANA. Aqpannyń 26-sy. QazAqparat /Aıdar Ospanalıev/ - Eńbek jáne halyqty áleýmettik qorǵaý mınıstrligine joldanǵan shaǵymdar men aryzdardyń basym bóligi sheteldik kompanııalarda jumys isteıtinderdiń eńbek qatynastaryn retteýge qatysty bolyp otyr.
Sebebi ondaǵy qazaqstandyq jumysshylar men sheteldikterdiń jalaqylarynyń arasynda aıtarlyqtaı aıyrmashylyqtar bar. Bul máseleler jóninde búgin «Nur Otan» partııasynyń qoǵamdyq qabyldaý oryndarynyń jumysyna baılanysty ótken májiliste Eńbek jáne halyqty áleýmettik qorǵaý mınıstrliginiń jaýapty hatshysy Tamara Dúısenova málim etti, dep habarlaıdy QazAqparat.
Onyń derekteri boıynsha, qazir sheteldikter jumys isteıtin mekemelerdegi eńbek qatynastaryn retteıin arnaıy komıssııa qurylyp, onyń quramyna sheteldik ınvestorlar da engizilgen. «Biz jýyq arada osy másele boıynsha ózimizdiń usynystarymyzdy jarııa etemiz», dedi jaýapty hatshy.
Sondaı-aq onyń sózine qaraǵanda, sońǵy ýaqytta mınıstrlikte jaldanǵan jumysshylardyń quqyqtaryna baılanysty saýaldar kóbeıip otyr. ıAǵnı jaldamaly jumysshylar da áleýmettik jaǵynan qorǵaýdy qajet etýde. «Búgin biz jumyspen qamtý jáne eńbek naryǵyn memlekettik retteýdi jetildirýge qatysty arnaıy tujyrymdama daıyndaýdamyz. Sondyqtan jaldamaly jumysshylardyń quqyqtaryna qatysty máseleler osy qujatta kórinis tabady», dedi T.Dúısenova.
