Eńbek mınıstrligi zeınetaqy mólsheri qalaı ındeksatsııalanatyndyǵyn túsindirdi

NUR-SULTAN. QazAqparat - Qazaqstanda zeınetaqy men memlekettik járdemaqylardyń jalpy jyldyq ósimi 2019 jylǵy deńgeıge qaraǵanda 10 paıyzǵa arttyrylady, dep habarlaıdy QazAqparat tilshisi.

QR Eńbek jáne halyqty áleýmettik qorǵaý mınıstrliginiń málimetinshe, Memleket basshysynyń aǵymdaǵy jylǵy 31 naýryzda bergen tapsyrmasy boıynsha Eńbek mınıstrlik zeınetaqy men memlekettik járdemaqylardy, onyń ishinde ataýly áleýmettik kómekti jyl saıynǵy 10 paıyzǵa ındeksatsııalaıtyn bolady.

«Bul zeınetaqy men memlekettik járdemaqylardyń jalpy jyldyq ósimi 2019 jylǵy deńgeıge qaraǵanda 10 paıyzǵa artatynyn bildiredi. 2020 jyldyń basynda 5 paıyzǵa óskenin eskere otyryp, arttyrý mólsheri 2019 jylǵy deńgeıge 10 paıyz deıin jetkiziledi. Indeksatsııalaý 2020 jylǵy 1 sáýirden bastap júzege asyrylady», - dedi mınıstrlikten.