Eńbek mınıstrligi sheteldik jumysshynyń kvotasyn eki ese azaıtýdy usyndy
NUR-SULTAN. QazAqparat – Eńbek jáne halyqty áleýmettik qorǵaý mınıstri Birjan Nurymbetovtyń aıtýynsha, qazir Qazaqstan aýmaǵynda eńbek etý quqyǵy boıynsha 50 myńǵa deıin sheteldik jumysshyǵa kvota berýge bolady, dep habarlaıdy QazAqparat tilshisi.
«Sheteldik úlesi bar kompanııalarmen jumys aldaǵy ýaqytta qalaı júrgiziledi? Eńbek jáne halyqty áleýmettik qorǵaý mınıstrliginiń ustanymy mynadaı: eger shetelden jumys kúshin tartatyn kompanııa júıeli túrde eldiń zańnamasyn buza beretin bolsa, onda oǵan jaza qataıa túsedi. Qazir Parlament Májilisinde zań jobasy jatyr. Ol zań boıynsha biz turmystyq teń jaǵdaı jasaý úshin jumys berýshige qosymsha mindetteler men jaýapkershilikti artqaly otyrmyz. Buryn zańda bul másele qarastyrylmaǵan», - dedi Birjan Nurymbetov Úkimettiń baspasóz ortalyǵynda.
Onyń aıtýynsha, qazirgi zań boıynsha memlekettik eńbek ınspektory jyl saıyn kásiporyndy teksere almaıdy. Bes jylda bir ret qana tekserýge quqyǵy bar.
«Sol sebepti, shetelden jumys kúshin tartatyn kompanııalardy jyl saıyn tekserý múmkindigin berýdi surap otyrmyz», - dedi ol.
Onyń aıtýynsha, qazirgi tańda Qazaqstan aýmaǵynda eńbek etý quqyǵy boıynsha 50 myńǵa deıin sheteldik jumysshyǵa kvota berýge bolady.
«Biz qazir kelesi jylǵa kvotany belgilep jatyrmyz. Eńbek jáne halyqty áleýmettik qorǵaý mınıstrligi osy kvotany Úkimetke eki ese qysqartýdy usynady. Sonymen qatar, tórtinshi sanattaǵy sheteldik mamandardy tartý isine talapty kúsheıtýdi kózdeımiz. ıAǵnı, bul rette jergilikti atqarýshy organdarǵa belgili bir talaptar qoıylady. Olar eńbek naryǵyn durystap zertteýi kerek. Eger eńbek naryǵynda bul sanattaǵy jumysshylar bolsa, onda sheteldik kompanııalarǵa bul ruqsatty bermeý kerek. Sondaı-aq, belgili bir sheteldik jumysshynyń Qazaqstan aýmaǵynda jumys isteý merzimi ótkennen keıin sheteldik kompanııa ol mamandy qazaqstandyq mamanǵa aýystyrýǵa mindetteletin burynǵy talapty qaıtarǵymyz keledi», - dedi ol.
Eske sala ketsek, búgingi Úkimet otyrysynda Eńbek jáne halyqty áleýmettik qorǵaý mınıstri Birjan Nurymbetov ujymdyq eńbek daýlaryn aldyn alý jumystary qalaı júrgizilip jatqanyn aıtyp bergen bolatyn.
