Eńbek mınıstrligi kúnkóris mınımýmynyń azyq-túlik sebetin qaıta qaraý jumystaryn júrgizýde
ASTANA. 25 shilde. QazAqparat - QR Eńbek jáne halyqty áleýmettik qorǵaý mınıstrligi Qazaqtyń taǵamtaný akademııasymen birlesip kúnkóris mınımýmynyń azyq-túlik sebetin qaıta qaraý jumystaryn júrgizýde, dep habarlady mınıstrliktiń áleýmettik kómek departamentiniń dırektory Natalıa Krıýkova pm.kz saıtyna bergen suhbatynda.
«Mınıstrlik Qazaqtyń taǵamtaný akademııasymen birlesip kúnkóris mınımýmynyń azyq-túlik sebetin qaıta qaraý jumystaryn júrgizýde»,- dedi departament dırektory.
Bul jumystar ádisteme tańdaý jónindegi tıimdi usynystardy ázirleýge negiz bolatyn kúnkóris mınımýmyn anyqtaýdy jetildirýge qatysty zertteýlerdiń aıasynda júrgizilýde.
Oǵan qosa, basqa elderde áleýmettik kómek kórsetýdiń ólshemi retinde keń qoldanylatyn bıýdjettik qarjynyń sheńberindegi medıandyq tabysty zertteý jumystary zerttelýde. Aǵymdaǵy jyldyń sońyna deıin medıandyq tabys boıynsha zertteýlerdi aıaqtaý jáne ony Qazaqstanda qoldaný múmkindigin qarastyrý josparlanýda.
Natalıa Krıýkovanyń aıtýynsha, búginde zertteýlerde aralas ádis qoldanylady: normatıvtik ádispen 43 atalymnan turatyn azyq-túlik sebeti anyqtalsa, kúnkóris mınımýmynyń azyq-túliktik emes bóligi statıstıkalyq ádispen anyqtalady.
«Búgingi kúni kúnkóristiń azyq-túliktik emes bóligi kúnkóris mınımýmynyń 40 paıyzyn quraıdy, biraq zertteýler men statıstıka málimetteri kórsetip otyrǵandaı, azyq-túliktik jáne azyq-túliktik emes sebetterdiń araqatynasy ózgerip otyr, sondyqtan da kúnkóris kórsetkishin qaıta qarap shyǵý kerek»,- dep atap kórsetti N.Krıýkova óz sózinde.
Esterińizge sala keteıik, Elbasy N.Nazarbaev «Qazaqstannyń áleýmettik jańartylýy: Jalpyǵa ortaq Eńbek Qoǵamyna 20 adam» atty baǵdarlamalyq maqalasynda mınımaldyq áleýmettik standarttar júıesin jasaý týraly tapsyrma bergen bolatyn, kúnkóris mınımýmy osy júıege kiredi.
