Eńbek mınıstrligi Qazaqstan azamattaryna eskertý jasady

NUR-SULTAN. QazAqparat - QR Eńbek jáne halyqty áleýmettik qorǵaý mınıstrliginiń (budan ári – Eńbekmıni) qyzmetkerleri qazaqstandyqtarǵa áleýmettik kómek taǵaıyndaý týraly usynyspen qońyraý shalmaıdy.

Bul týraly QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap habarlaıdy.

«Azamattardan qyraǵylyq tanytýdy jáne belgisiz adamdardyń qýlyqtaryna boı aldyrmaýdy suraımyz! Sońǵy ýaqytta qazaqstandyqtarǵa túrli baılanys operatorlarynyń uıaly nómirlerinen qońyraýlar túsip jatyr. Belgisiz adamdar ózderin Eńbekmıniniń qyzmetkerleri dep tanystyryp, banktik kartanyń qulpyn ashý úshin kredıtterdi óteýdi suraıdy nemese azamattardyń jeke derekterin suratady. QR Ebekmıniniń qyzmetkerleri azamattarǵa qońyraý shalmaıdy jáne jeke aqparat suramaıdy. Azamattardan qyraǵylyq tanytýdy jáne belgisiz adamdardyń qýlyqtaryna boı aldyrmaýdy suraımyz!»,-delingen mınıstrliktiń habarlamasynda.