Eńbek mınıstrligi BAQ betterinde adamnyń jynysy men jasyna qatysty talaptary bar vakansııalar týraly jarnamalardy shyǵarýǵa tyıym saldy
ASTANA. 16 sáýir. QazAqparat - QR Eńbek jáne halyqty áleýmettik qorǵaý mınıstrliginiń Baqylaý jáne áleýmettik qorǵaý komıteti azamattardyń jynysy men jasyna qatysty talaptar qoıylatyn jarnamalar úshin ákimshilik jaza týraly eskertýi bar hatty BAQ basshylaryna taratty.
Vedomstvo baspasóz qyzmetiniń habarlaýynsha, Ata Zań men QR Eńbek kodeksin basshylyqqa ala otyryp, komıtet BAQ basshylaryna gazetterde azamattardy jumysqa alý týraly jarnamalarda jynysy men jasyna qatysty talaptardy basýdan tartynýdy usyndy. Atalǵan quqyq buzýshylyqtar úshin memlekettik eńbek ınspektsııasy tarapynan jumys berýshilerge aıyppul salynýy múmkin.
Osy oraıda mınıstrlik búginde buqaralyq aqparat quraldarynda, ásirese gazetterde jumys berýshilerdiń jarnamalary mátininde adamnyń jynysy men jasyna qatysty qoıylǵan talaptar jıi kezdesetinin, bul óz kezeginde eńbek salasynda kemsitýshilik bolyp tabylatynyn atap ótti. Bul turǵyda 2013 jyldyń birinshi jartyjyldyǵynda elimizdiń keıbir zańnamalaryna ózgertýler engizý josparlanyp otyr.
