Eńbek mınıstrligi áleýmettik tólemderdiń tolyq jáne ýaqtyly tólenýin qamtamasyz etsin - Asqar Mamın

NUR-SULTAN. QazAqparat - Memlekettiń áleýmettik mindettemeleriniń barlyǵy oryndalady. Bul týraly búgin Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Eńbek jáne halyqty áleýmettik qorǵaý mınıstrligi áleýmettik tólemderdiń tolyq kólemde jáne ýaqtyly tólenýin qamtamasyz etsin. Jumyspen qamtýdyń jol kartasyn ázirleý qajet. Osy rette jańa jumys oryndaryn qurý maqsatynda ınfraqurylym jobalaryn iske asyrý, áleýmettik nysandardy jóndeý jáne eldi mekenderdi abattandyrý jumystaryn kúsheıtý kerek», - dedi Asqar Mamın.

Osy rette Úkimet basshysy Eńbek mınıstrligi ákimdiktermen birge azamattardyń eńbek quqyqtarynyń saqtalýyn qatań qadaǵalaýdy eskertti.

«Bizdiń ortaq mindetimiz - áleýmettik turaqtylyqty qamtamasyz etý jáne jumyspen qamtý. Memlekettiń áleýmettik mindettemeleriniń barlyǵy oryndalady. Zeınetaqy men járdemaqynyń barlyǵy ýaqtyly ári tolyq kólemde tólenetin bolady», - dedi Premer-Mınıstr.