Eńbek mınıstrligi adam saýdasymen kúreske jaýapty ýákiletti organ bolady

ASTANA. QazAqparat – Adam saýdasymen kúresetin ýákiletti organ retinde eki birdeı mınıstrlik bekitilýi múmkin. Іshki ister mınıstrligi ázirlep jatqan «Adam saýdasyna qarsy kúres týraly» zań jobasynda osyndaı normalar bar, dep habarlaıdy QazAqparat tilshisi.

«Zań deńgeıinde alǵash ret Іshki ister mınıstrligi men Eńbek mınıstrligi adam saýdasymen kúresetin ýákiletti organ bolyp aıqyndalmaqshy. Sonyń negizinde ýákiletti organdardyń fýnktsııalary naqty bekitiledi. Qalǵan 12 memlekettik organ men ákimdikterdiń, úkimettik emes uıymdardyń fýnktsııasy da naqtylanady», - dedi Іshki ister mınıstri Marat Ahmetjanov Astanada ótip jatqan quqyqtyq forýmda.

Onyń málimeti boıynsha, Adam saýdasyna qarsy is-qımyl jónindegi komıssııalardyń quqyqtyq mártebesi artpaq.

«Adam saýdasyna qarsy is-qımyl jónindegi vedomstvoaralyq jáne óńirlik komıssııalardyń quqyqtyq mártebesi bekitiledi. Olarǵa osy saladaǵy qoǵamdyq qatynastarǵa quqyqtyq yqpal etý quzyreti beriledi. Olardyń Úkimet deńgeıinde usynystary eskeriledi. Bul naqty merzimder, oryndaýshylar jáne jaýapkershilik degen sóz», - dedi vedomstvo basshysy.