Eńbek mınıstrligi 2015-2017 jyldary suranysqa ıe bolatyn mamandyqtarǵa boljam jasady
ASTANA. QazAqparat - Eńbek mınıstrligi 2015-2017 jyldary suranysqa ıe bolatyn mamandyqtarǵa boljam jasady, dep habarlady Eńbek jáne halyqty áleýmettik qorǵaý mınıstri Tamara Dúısenova búgingi brıfıngte sóılegen sózinde.
«Memleket basshysy joǵary tehnologııalyq salalarǵa, jańa ınnovatsııalar men jańa tehnologııalarǵa qatysty úlken mindetter qoıyp otyr. Eger biz naqty sektorda jańa baǵyttardy engizetin bolsaq, eńbek resýrstarynyń sol deńgeıge saı bolý kerektigin túsinýimiz kerek»,- dedi mınıstr QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda.
«Biz 2015-2017 jyldarǵa arnap mamandarǵa boljam ázirlep jatyrmyz. Biz tek makroekonomıkalyq boljamdy ǵana emes, ár óńir baǵdarlamalar aıasynda qajetti jumys oryndaryn anyqtaıtyn Óńirlerdiń jumyspen qamtylý kartasyn da nazarǵa alyp otyrmyz. Jáne biz jumys berýshilerdiń arasynda saýalnama júrgizýdemiz»,- dedi T.Dúısenova.
Mınıstr sondaı-aq, bul boljamnyń aǵymdaǵy jyldyń mamyr aıyna deıin daıyn bolatynyn habarlady. Jáne osy boljamnyń negizinde jańa kásiptik standarttar jasalmaq.
