Eńbek mınıstrliginiń sheneýnigi balanyń múgedektigin bekitkeni úshin para alǵan

ASTANA. KAZINFORM – Eńbek jáne halyqty áleýmettik qorǵaý mınıstrliginiń sheneýnigi múmkindigi shekteýli balalardyń ata-analarynan para alǵan. Bul týraly QR Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov aıtty.

— Shymkent qalasy boıynsha Sybaılas jemqorlyqqa qarsy qyzmet Eńbek jáne halyqty áleýmettik qorǵaý komıteti qalalyq departamenti bólim basshysynyń mindetin ýaqytsha atqarýshyǵa qatysty sotqa deıingi tergeýdi aıaqtady.

Ol múgedektik toptaryn belgileýge keliskeni úshin múmkindigi shekteýli balalardyń ata-analarynan jalpy somasy 850 myń teńgege birneshe ret para aldy dep aıyptalýda, - dedi ol.
Resmı ókildiń aıtýynsha, para qaladaǵy emhanalardyń biriniń medbıkesiniń deldaldyǵymen berilgen.

— Qazirgi ýaqytta aıyptalýshylar sotqa tartyldy, - dedi Danııar Bıgaıdarov. 

Aıta keteıik, Astanada para alyp, balabaqsha ornyn saýdaǵa salǵan sheneýnik ustaldy.

Sportty damytý dırektsııasynyń basshysy 584 mln teńge qarjy jymqyrǵany anyqtaldy. 

Antıkor eki jylda 1 trln 100 mlrd teńgeniń zańsyz aktıvteri qaıtardy.

Zańsyz aktıvter kóbine qaı elderden qaıtarylyp jatqany aıtyldy. 

Jambylda ustalǵan kúdikti polıtseı Antıkor qyzmetshisine qarý kezengen.