Eńbek mınıstrligi zeınetaqy júıesin reformalaýǵa kiristi
ASTANA. KAZINFORM — Eńbek jáne halyqty áleýmettik qorǵaý mınıstri Svetlana Jaqypova zeınetaqy júıesine ózgerister engizý jónindegi usynystardy ázirleý barysy týraly aıtty.
— Zeınetaqy júıesiniń ári qaraıǵy qarjylyq turaqtylyǵyn qamtamasyz etý jáne azamattardyń laıyqty zeınetaqy deńgeıin belgileý boıynsha usynystardy ázirleý úshin mınıstrlik janynan sarapshylar toby quryldy. Onyń quramyna sarapshylar, Ulttyq bank, Qarjy naryǵyn retteý jáne damytý agenttigi men Biryńǵaı jınaqtaýshy zeınetaqy qorynyń ókilderi bar, — dedi Svetlana Jaqypova Úkimet otyrysynda.
Mınıstrdiń málimdeýinshe, Úkimetke sarapshylar tobynyń jumys nátıjesi jyl sońyna deıin usynylady.
Sondaı-aq turǵylyqty jerin aýystyrǵan azamattarǵa zeınetaqy tóleý júıesi ózgeretini týraly habarlaǵan edik.