Eńbek mınıstrligi suranysqa ıe mamandyq ıelerin atady

ASTANA. KAZINFORM – Eńbek resýrstaryn damytý ortalyǵynyń prezıdenti Dáýlet Arǵandyqov Elektro eńbek bırjasyn tanystyrýǵa arnalǵan kezdesýde naryqta tapshy mamandyq ıelerin atady.

«Saýda, rıteıl sııaqty spetsıfıkalyq salalar bar. Bul sektorlarda mamandar aǵyny joǵary. Suranysqa ıe mamandyq degende jergilikti erekshelikter de bar. Almaty men Astanada qyzmet kórsetý salasyna maman tapshy degen sııaqty. Ónerkásibi damyǵan qalalarda óndiris sektorynyń mamandary suranysqa kóbirek ıe. Bizde ádette medıtsına, bilim salasynyń qyzmetkerlerine suranys joǵary. Sondaı-aq, biz orta merzimge boljamdar jasaımyz. ıAǵnı, qandaı sektorlar damyp kele jatqanyn, qandaı tehnologııalar alǵa ozǵanyn qarap otyramyz. Qazir IT-mamandarǵa suranys úlken. Sondaı-aq, baǵdarlama ázirleýshiler tapshy», - degen ortalyq basshysy jyl saıyn «Eńbek naryǵyna sholý» jarııalanatynyn eske saldy.

Aıtýynsha, bolashaq stýdent nemese onyń ata-anasy sol sholýǵa qarap mamandyq tańdaýyna bolady.

«Buryn saýda salasynda offlaın satýshylar tapshy bolsa, qazir logıstıkaǵa jaýapty mamandar, keri baılanys mamandary, kýrerler suranysqa ıe», - dedi Dáýlet Arǵandyqov.