Eńbek mınıstrligi medıandyq jalaqy boıynsha jasalǵan monıtorıng nátıjelerin jarııalady
ASTANA. KAZINFORM — QR Eńbek jáne halyqty áleýmettik qorǵaý birinshi vıtse-mınıstri Asqarbek Ertaev Qazaqstanda jalaqyny kóterý múmkindigine qatysty pikir aıtty.
- Men ortasha jalaqy turǵysynda aıtyp turmyn. Bizde jalaqy medıandyq deńgeıden tómen bolmaýy kerek nemese odan joǵary bolýy tıis. Mundaı jalaqy qazirgi kezde azamattardyń suranysyn qanaǵattandyrýǵa múmkindik beredi, - dedi A. Ertaev Senatta tilshiler suraǵyna jaýap bere otyryp.
Onyń aıtýynsha, monıtorıng eldegi 95 000 uıymda júrgizilip turady. Qazir sonyń 73 myńynda, ıaǵnı 76 paıyzynda medıandy jalaqy deńgeıinde nemese odan joǵary somada eńbekaqy berilip otyr. Qalǵandarymen jumys jalǵasady. Bul rette Halyqaralyq eńbek uıymynyń usynysyn oryndaýǵa ekpin qoıylǵan.
Sondaı-aq ol respýblıkalyq bıýdjetti qalyptastyrý kezinde eń tómengi jalaqy jyl saıyn qaıta qaralatynyn aıtty.
- Keler jyly esepteýlerdi bastaý úshin eńbek ónimdiliginiń statıstıkasy shyǵarylýy kerek. Meniń oıymsha, bul kórsetkish jyl saıyn sáýir-mamyr aılarynyń basynda shyǵarylady jáne ózgertilgen medıandyq jalaqynyń statıstıkasy jarııalanýy kerek, - dedi vıtse-mınıstr.
Budan buryn habarlanǵandaı, búgin Senattyń jalpy otyrysynda «Damýshy elderdi erekshe eskere otyryp, eń tómen jalaqyny belgileý týraly konventsııany (131-konventsııa) ratıfıkatsııalaý týraly» Zańy maquldandy.