Eńbek mınıstrligi balalarǵa biryńǵaı járdemaqy engizý týraly aqparatty joqqa shyǵardy

ASTANA. KAZINFORM - Messendjerler men áleýmettik jelilerde taralyp jatqan QR Eńbek jáne halyqty áleýmettik qorǵaý mınıstrligi balalarǵa arnalǵan biryńǵaı járdemaqy engizetini týraly aqparat shyndyqqa janaspaıdy. Bul týraly mınıstrliktiń baspasóz qyzmeti habarlady.

«Messendjerler men áleýmettik jelilerde daýystyq habarlamalar men beınerolıkter arqyly balaly otbasylardaǵy árbir balaǵa 2024 jylǵy shildeden bastap 70 myń teńge mólsherinde biryńǵaı járdemaqy engiziletini týraly jalǵan aqparat taratylyp jatyr. Bul aqparat jalǵan. Memlekettik qoldaýdyń tıisti sharalary týraly resmı aqparat tek qana 1414 nómirinen SMS-habarlamalar arqyly taratylady. Azamattardan tek resmı kózderdegi aqparatty paıdalanýyn suraımyz», - delingen habarlamada.

Sonymen qatar mınıstrlik jalǵan aqparat taratý zańmen jazalanatynyn eske saldy.