Eńbek mınıstrligi 2030 jylǵa deıingi kóshi-qon saıasaty tujyrymdamasy jobasyn ázirledi

Qujattyń negizgi maqsaty – mıgranttardy sapaly irikteýge, kóshi-qon aǵyndarynyń tepe-teńdigine jáne adamı kapıtaldy damytýǵa negizdelgen qaýipsiz jáne basqarylatyn kóshi-qon júıesin qurý. Qazirgi ýaqytta Tujyrymdama Úkimette qaralyp jatyr.

Tujyrymdama mynadaı negizgi baǵyttardy qamtıdy:

1. Migration.enbek.kz platformasy negizinde kóshi-qon monıtorınginiń biryńǵaı tsıfrlyq júıesin qurý arqyly kóshi-qon aǵyndaryn tirkeý júıesin jetildirý. Platformada barlyq ýákiletti organdardyń derekteri ıntegratsııalanatyn bolady: Eńbek jáne halyqty áleýmettik qorǵaý mınıstrligi, Іshki ister mınıstrligi, Syrtqy ister mınıstrligi, Ǵylym jáne joǵary bilim mınıstrligi jáne basqa da vedomstvolar.

Bul kóshi-qon protsesteriniń tolyq jáne senimdi beınesin jasaýǵa múmkindik beredi, sonyń ishinde mıgranttardyń kelýi, bolýy, bilim alýy, jumysqa ornalasýy jáne áleýmettik jaǵdaıy týraly derekter. Jınalǵan derekterdiń negizinde kóshi-qon úrdisterin boljaý, analıtıkalyq esepterdi ázirleý jáne ýaqtyly basqarý sheshimderin qabyldaý qamtamasyz etiledi.

Budan basqa, enbek.kz júıesin Ulttyq bilim berý bazasymen jáne basqa da aqparattyq resýrstarmen ıntegratsııalaý josparlanýda, bul túlekterdiń, qonys aýdarýshylardyń jáne memlekettik baǵdarlamalarǵa qatysýshylardyń jumysqa ornalasýy týraly monıtorıngti qamtamasyz etedi.

Bul baǵytty iske asyrý kóshi-qon protsesteriniń ashyqtyǵyn, kóshi-qon táýekelderine ýaqtyly den qoıýdy, memlekettik retteýdiń tıimdiligin arttyrýdy jáne basqarmalar arasyndaǵy fýnktsııalardyń qaıtalanýyn joıýdy qamtamasyz etedi;

2. Eńbek kóshi-qonyn yntalandyrý jáne retteý óńirlik dısproportsııany azaıtýǵa, kásipkerlik belsendilikti damytýǵa, jumyspen qamtýdy arttyrýǵa, onyń ishinde qandastar men mıgranttar arasynda, áleýmettik turaqtylyq pen adamı kapıtaldy nyǵaıtý úshin jaǵdaı jasaýǵa múmkindik beredi.

Jumys kúshiniń shyqqan jáne eńbek resýrstaryn qabyldaıtyn óńirler arasynda óńiraralyq memorandýmdar jasasý, sheteldik jumys kúshin tartýdyń rettelýin jetildirý, sondaı-aq mobıldi kásipkerlikti damytý jónindegi sharalardy iske asyrý josparlanýda.

Іshki qonys aýdarýshylar men qandastardy qoldaýǵa erekshe nazar aýdarylady. Tujyrymdamada eldiń soltústik, shyǵys jáne ortalyq oblystarynda qonys aýdarýǵa jáne qonystanýǵa arnalǵan jyl saıynǵy óńirlik kvotalardy bekitý kózdelgen. Bul óńirlerde aýyl halqynyń tabysyn arttyrýǵa, onyń ishinde jeke qosalqy sharýashylyqtarǵa jeńildikpen kredıt berý, kooperatsııany damytý jáne shaǵyn bıznesti yntalandyrý arqyly baǵyttalǵan jobalar damıtyn bolady.

Osy baǵytty iske asyrý eńbek resýrstaryn ońtaıly qaıta bólýge, jumyspen qamtý deńgeıin arttyrýǵa jáne óńirlerdiń demografııalyq áleýetin nyǵaıtýǵa yqpal etetin bolady;

3. Shetelde jumys isteıtin Qazaqstan azamattarynyń quqyqtaryn qorǵaýǵa, bilikti mamandardy tartýǵa, halyqaralyq yntymaqtastyqty damytýǵa jáne etnıkalyq qazaqtardy qoldaýǵa baǵyttalǵan syrtqy kóshi-qondy basqarý tetikterin jetildirý.

Osy baǵyttyń sheńberinde Qazaqstan azamattarynyń eńbek jáne áleýmettik quqyqtaryn qorǵaý boıynsha Eýropa men Azııanyń birqatar elderimen ekijaqty kelisimder jasasý, jumysqa ornalasý maqsatynda shetelge shyǵatyn azamattardyń monıtorınginiń tsıfrlyq platformasyn qurý, sondaı-aq syrtqy eńbek kóshi-qonyn baqylaý jáne aqparattyq súıemeldeý tetikterin damytý kózdeledi.

Bilikti sheteldik mamandar men sheteldik stýdentterdi tartýǵa erekshe kóńil bólinedi. Salalyq ýnıversıtetter qurý, Ortalyq Azııa elderinde kásiptik baǵdarlaý kampanııalaryn ótkizý josparlanýda.

Budan basqa, Tujyrymdamada tarıhı otanyna oralǵan qandastardy qoldaý sharalary qarastyrylǵan. Olardy ıntegratsııalaý úshin biryńǵaı standart ázirlenedi, qonystandyrý boıynsha óńirlik baǵdarlamalar iske asyrylady, sondaı-aq «Ata joly» kartasy jetildiriletin bolady.

Tujyrymdama áleýmettik uıymshyldyqty nyǵaıtýǵa, kóshi-qon táýekelderin azaıtýǵa jáne memlekettik saıasattyń tıimdiligin arttyrýǵa baǵyttalǵan kóshi-qondy retteýge tutas jáne teńgerimdi tásildi qalyptastyrady.

- Qujatty qabyldaý Qazaqstan úshin qandaı da bir jaǵymsyz qoǵamdyq-saıası saldarǵa ákep soqpaıdy.

Tujyrymdamany iske asyrý memlekettik bıýdjetten qosymsha qarjy qarajatyn talap etpeıdi. Bul rette Eńbek mınıstrligi 73 is-shara men 14 nysanaly ındıkatordy qamtıtyn is-qımyl josparyn daıyndady, - delingen vedomstvo aqparatynda.

Aıta keteıik, ońtústikten soltústikke 66,2 myń adam kóship, onyń 3,6 myńy keri qaıtqan.