Eńbek mınıstri Teńizdegi oqıǵaǵa qatysty pikir bildirdi
NUR-SULTAN. QazAqparat - QR Eńbek jáne halyqty áleýmettik qorǵaý mınıstri Berdibek Saparbaev Teńiz ken ornyndaǵy oqıǵaǵa qatysty pikir bildirdi, dep habarlaıdy QazAqparat tilshisi.
"Ol jerde bizdiń komıtettiń tóraǵasy júr. Oqıǵanyń bastapqy sebebin ózderińiz de bilesizder", - dedi mınıstr Ortalyq kommýnıkatsııalar qyzmetindegi brıfıngte.
Onyń atap ótýinshe, Teńiz ken ornynda jumys isteıtin qazaqstandyq jumysshylardyń belsendileri 11 talap qoıǵan.
"Olardyń arasynda jalaqyǵa qatysty másele bar. Bizde jalaqydaǵy aıyrmashylyqqa qatysty málimet bar. Ekinshi talap - jumys kestesine qatysty. Úshinshisi - jumys jaǵdaıyna baılanysty. Jalpy osy eńbek qarym-qatynasyna qatysty 5 másele bar", - dedi Berdibek Saparbaev.
Esterińizge sala ketsek, 29 maýsym, saǵat 11:00 shamasynda «Teńiz» vahtalyq qalashyǵynda (Jylyoı aýdany Qulsary qalasynan 120 km, Atyraý qalasynan 340 km) «Sohsolited Contracting Endihering and Prourement S.A.L Offshore (CSER)» kompanııasynyń jumysshylary jumys ýchaskesine jınalyp, Lıvııa azamaty Eli Daoud-tiń jaqynda WhatsApp jelisiniń profıline ornalastyrǵan fotosýretine narazylyq bildirgen.
